Бага насны хүүхэд гэмтэж, авто уралдааныг зогсоожээ
Монголдоо анх удаа авто машины шагналтай “SCORPION4x4 2017 Бартаат замын уралдаан"-ыг өчигдөр “MONGOLIAN PAJERO CLUB”-ээс санаачлан зохион байгуулжээ.
Харамсалтай нь уралдааны үеэр автомашин унаж бага насны хүүхэд гэмтсэн байна. Уралдааныг үзэхээр ирсэн Ниссан Тийда маркийн автомашины жолоочийн болгоомжгүй үйлдлээс болж хүүхэд дайрсан осол гарчээ. Ослын улмаас хүүхэд хүнд гэмтжээ. Тэмцээн эхлээд удаагүй байхад осол гарсантай холбоотойгоор зохион байгуулагчдын зүгээс уралдааныг зогсоох арга хэмжээ авсан байна. Дээрх осол нь зохион байгуулагч “MONGOLIAN PAJERO CLUB”-ынхны буруу гэхээсээ илүүтэй тэмцээнийг сонирхохоор ирсэн үзэгчдийн соёл ухамсар, болгоомжгүй үйлдлээс болсон гэж ажиглагчид үзэж буй юм. Авто уралдааныг үзэгч нэг хүний алдаанаас болж олон хүний хүч хөдөлмөрийг үр дүнгүй болголоо гэсэн байна.
Авто уралдааныг сонирхогч Б.Батболд энэ талаар байр сууриа илэрхийлэхдээ “Ганцхан хүний болчимгүй үйлдлээс болж олон хүний хөлс, хүч хөдөлмөр, сэтгэл, эд хөрөнгө талаар болж өнгөрлөө. Ямар ч зүйлээс илүү хүний амь нас эрүүл мэнд гэдэг чухал зүйл. Энэ бүгдийг ойлгодог залуус маань хийснээ зогсоож бүгдийг өөрсөддөө үүрч үлдсэн. Уг тэмцээнийг их урт хугацаанд төлөвлөж, олон газраар явж, олон саад бэрэхшээлийн ард гарч хийсэн. Олон ч хүний хүч хөдөлмөр зарцуулсан. Наад зах нь зөвшөөрөл авахаас эхлээд шагнал урамшуулал босгох, ивээн тэтгэгчид оруулах, сурталчилах, уралдааны талбай засах, шилдэг тамирчинд авто машин бэлгэнд өгөхөөр зэхэж түүнийгээ босгох, санхүүгийн хүндрэлтэй асуудлуудыг шийдэж ажилласан. Сайхан тэмцээн зохиож тамирчдаа хөгжүүлэх, үзэгчиддээ бэлэг барих гэж залуус маань өдөр бүр хичээж ажилласан. Тэр ч утгаараа үзэгчдээс төлбөр авалгүй, ашиг харалгүй сэтгэл гаргасан болов уу. Зохион байгуулалт сайн байсан, хийж хэрэгжүүлсэн ажил их байсан” гэжээ. Харамсалтай нь ослын улмаас ийнхүү тэмцээнийг зогсоосон байна.
Авто уралдааныг үзэхээр ирж буй сонирхогчдын соёл ухамсар, анхаарал болгоомжтой байх хэрэгтэйг уг үйл явдал харуулжээ.
Осолд өртсөн охины биеийн байдал сайн байгаа ажээ.
Тэмцээний үеийн бичлэг:
Зургыг Facebook хуудас: Жаал Монгол
Т.Түвшин
Холбоотой мэдээ
Сэтгэгдэл ( 4 )
Medeegee ydaj unen zuv bodit ym bichej baigaachee sogtuu jolooch huuhed dairsan herwg garsan shuu dee harinch uzegchid mash hurdan arga hemjee avch huuhdiig mashin dooroos garhasan ym shuu
Shal hudlaa yum bichih yumaa.Sogtuu nzdaa mashiniihaa tulhuuriig ogood uruu zamd tavisan mashiniig ni hodolgood huuhed dairaad zogsoh gsn humuusiin negiig ni dairaad tend bsan humuus mashiniig ni hajuu tiish haruulj bj huuhdiig ni avsiin.Shan hudlaa medee bichmee.
iim baliar hogiin yum zohion baiguulahaa bolioch