П.Орхоныг Land cruiser 200, дасгалжуулагч Ц.Цогтбаярыг 2 өрөө байраар шагнана

Чөлөөт бөхийн ОУХМ П.Орхон Парис хотноо болсон энэ жилийн чөлөөт бөхийн дэлхийн аваргын тэмцээнээс 63 кг-ийн жинд алтан медаль хүртсэн билээ. Японы алдарт бөх, Олимпийн гурав, дэлхийн 10 удаагийн аварга Каори Ичог өвдөг шороодуулж, дуулиантайгаар гарч ирж байсан П.Орхон ийнхүү амжилтын замналаа үргэлжлүүлж байгаа нь монголчуудын талархал, бахархлыг төрүүлсэн юм. Тэгвэл эдгээр өдрүүдэд П.Орхоны дэлхийн аварга болсон амжилтыг мялаасан шагналын цуваа үргэлжилж байна. Чөлөөт бөхийн дэлхийн аварга П.Орхонд “Аваргууд Академи, Бат Сол” компаниас Ланд 200 маркийн машин бэлэглэхээр болжээ. Мөн “Аваргууд Академи ОХС” ХХК-ийн зүгээс түүний дасгалжуулагч, Монгол Улсын Гавьяат тамирчин Ц.Цогтбаярт хоёр өрөө байр гардуулан өгөхөөр болжээ. Шагналыг гардуулах ёслол маргааш Спортын төв ордонд болох юм байна. 

С.Төгөлдөр