Ирээдүй үеийнхэнд зориулсан илгээлт гардуулав

ОХУ-ын Владивосток хотноо болсон Дорнын эдийн засгийн форумд оролцсон Монгол Улсын Ерөнхийлөгч Х.Баттулга, ОХУ-ын Ерөнхийлөгч В.Путин, Япон Улсын Ерөнхий сайд Ш.Абэ нар Алс Дорнодын холбооны их сургуулийн ирээдүй үеийн оюутнуудад зориулсан бортгон сав бүхий илгээлтийг тус сургуулийн оюутнуудын төлөөлөлд гардуулан өгөх ёслол болов.

Алс Дорнодын холбооны их сургууль жудо бөхийн ордонтой болж буйд зориулан энэ үйл явдал болсон юм. Дээд зэрэглэлийн жудочдыг бэлтгэх олон улсын энэхүү төвийг тус сургуулийн оюутны хотхонд байгуулж байгаа юм.  

Дорнын эдийн засгийн чуулганы хүрээнд жудогийн ордны барилгын ажлыг ийнхүү ёслол төгөлдөр эхлүүллээ.

Мэдээний дүрсийг доорх хаягаар үзнэ үү.