Парис хот 100 жилийн дараа дахин олимпийн хот болно

Перу улсын нийслэл Лима хотноо болсон Олон улсын олимпийн хороо /ОУОХ/-ны Удирдах зөвлөлийн хурлаар 2024 ба 2028 оны зуны олимпийн наадмыг зохион байгуулах хотуудыг тодруулжээ. 2024 онд болох 33 дахь удаагийн зуны олимпийн наадам Францын нийслэл Парис хотноо болох бол 2028 оны 34 дэх удаагийн олимп АНУ-ын Лос-Анжелест болохоор тогтжээ. 

Өмнө нь хоёр ч олимп зохион байгуулсан туршлагатай Парис хамгийн сүүлд 1924 онд зуны олимп хүлээн авснаас хойш 100 жилийн ойгоороо дахин олимпийн нийслэл болох юм. Харин Лос-Анжелест 1932, 1984 онд хоёр удаа олимп зохион байгуулагдаж байжээ. 

А.Уян 

Эх сурвалж:Zindaa.mn