АНУ, Японы бөхчүүд холливүүдэд халз барилдлаа

2017 оны 10 сарын 30

 

Чөлөөт бөхийн “Beat the Streets Los Angeles” АНУ, Японы эмэгтэйчүүдийн шигшээ багийн халз барилдаан монголын цагаар өнөөдөр өглөө АНУ-ын Лос-Анжелес хотын япон дүүрэг “Little Tokyo”-гийн задгай талбайд боллоо. Эмэгтэй чөлөөт бөхөөр дэлхийд тэргүүлэгч хоёр гүрний энэхүү нөхөрсөг халз барилдаан ирэх жилээс хэрэгжиж эхлэх 10 жингийн ангилалд болж Сэм авгын бүсгүйчүүд 6:4-өөр илүүрхэв.

Нутгийн эздээс олимп, дэлхийн аварга Хелен Марулисээс бусад бүхий л шилдгүүд барилдсан. Харин Наран улсаас дан залуучуудаар багаа бүрдүүлсэн ч дөрвөн ялалт байгуулж чадсан байна. Өнгөрсөн жилийн арваннэгдүгээр сард болсон Билл Фарреллийн нэрэмжит ОУТ-д аваргалснаас хойш барилдаагүй дэлхийн гурван удаагийн аварга Аделин Грэй жилийн дараа дэвжээндээ эргэн ирж, энэ удаагийн халз барилдаанд ялалт байгуулав. Тэрбээр ирэх жилээс 72 кг-ын жинд зодоглохоор болжээ.

ХАЛЗ БАРИЛДААНЫ ДҮН:
АНУ - ЯПОН 6:4
50 кг: Викториа Энтони - Кика Кагата 10:0
53 кг: Сара Хилдбрандт - Юри Йонаминэ 11:0
55 кг: Грэси Фигуэроа - Ханако Сава 2:13
57 кг: Кайла Миракл - Йошими Каяама 10:4
59 кг: Али Раган - Кива Сакаэ 2:5
62 кг: Мэллори Велт - Атена Кодама 6:0
65 кг: Мая Нельсон - Мива Морикава 2:11
68 кг: Тамира Менса - Май Хаяакава 10:0
72 кг: Аделине Грэй - Мэй Шиндо 10:0
76 кг: Викториа Фрэнсис - Рино Або 2:7

Монголын Чөлөөт Бөхийн Холбоо

 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
аа (212.139.93.97)  2017 оны 10 сарын 31

Манай сэтгүүлчид Америкийн нээх Сэм авга, Английг Будант Албион, Японыг Арлын Япон энэ тэр гэж уянгын хэрэггүй халилтай бичдэгээ болих хэрэгтэй гэж зөвлөмөөр байна.

0  |  0
! (83.153.124.210)  2017 оны 10 сарын 30

Japan hoolnii savnuud!

0  |  0
зочин (103.26.193.63)  2017 оны 10 сарын 30

яж үзэх

0  |  0
Top