Хөлбөмбөгийн ДАШТ-ий хэсгийн тоглолтын хуваарь гарлаа
2018 оны хөлбөмбөгийн ДАШТ-д оролцох 32 улсын шигшээ багийн хэсгийн тоглолтын хуваарилалт гарчээ. Москва хотод болсон энэхүү арга хэмжээнд ОХУ-ын Ерөнхийлөгч Владимир Путин өөрийн биеэр оролцлоо. Тэрбээр “Бид энэ ДАШТ-ийг өндөр түвшинд зохион байгуулах болно. ОХУ-д ирэх хөлбөмбөгийн хорхойтнууд мартагдашгүй сайхан дурсамжтай нутаг буцна гэдэгт итгэлтэй байна. “Russia-2018” нь дэлхий дахинд хөлбөмбөгийг илүү хөгжүүлэхэд чухал нөлөө үзүүлнэ” гэв.
ОХУ-ын хөлбөмбөгийн шигшээ баг зохион байгуулагч орны хувиар “А” хэсэгт хуваарилагдсан байна. Хойд хөршийн шигшээ баг ирэх зургадугаар сарын 14-нд Москва хотын “Лужники” цэнгэлдэх хүрээлэнд Саудын Арабын багтай ДАШТ-ий нээлтийн тоглолтыг хийнэ. Ингээд 32 улсын шигшээ багийн хэсгийн тоглолтын хуваарилалтыг хүргэе.
А хэсэг
Орос, Саудын Араб, Египет болон Уругвай
B хэсэг
Португал, Испани, Морокко, Иран
C хэсэг
Франц, Австрали, Перу болон Дани
D хэсэг
Аргентин, Исланд, Хорват, Нигери
E хэсэг
Бразил, Швейцарь, Коста Рика болон Серби
F хэсэг
Герман, Мексик, Швед ба Өмнөд Солонгос
G хэсэг
Бельги, Панам, Тунис, Англи
H хэсэг
Польш, Колумб, Сенегал, Япон.
“Russia-2018” хөлбөмбөгийн ДАШТ нь 2018 оны зургадугаар сарын 14-нөөс долдугаар сарын 15-ны хооронд хойд хөршийн Москва, Санкт-Петербург, Сочи, Казань, Саранск, Калининград, Волгоград, Донын Ростов, Доод Новгород, Екатеринбург болон Самара гэсэн 11 хотод болно.
Кремлийн ордонд өчигдөр орой болсон хэсгийн тоглолтын сугалаа сугалах ёслолд олон улсын 1300 гаруй зочид оролцжээ. Ёслолын арга хэмжээг нийт 400 гаруй сэтгүүлч сурвалжилж, дэлхийн 100 гаруй суваг шууд дамжуулсан байна.
О.Чанцаа
Холбоотой мэдээ
Сэтгэгдэл ( 0 )