Их мастер Б.Мөнгөнтуул аваргаллаа

Шатрын спортын их мастер Б.Мөнгөнтуул сүүлийн жилүүдэд спортын замналаа нам жим үргэлжлүүлж байв. Тэгвэл тэрбээр өнгөрсөн амралтын өдрүүдэд шатрын спортын амжилтын бухиагаа үргэлжлүүлж бахдам амжилт үзүүлжээ.   Олон улсын их мастер Б.Мөнгөнтуул Испанийн Ситмэс хотноо болсон “Sunway Sitges open” эмэгтэйчүүдийн нээлттэй олон улсын тэмцээнд тэргүүн байр эзэлсэн байна.

Тэрбээр, 12 дугаар сарын 14-23-нд зохион байгуулсан тус тэмцээнд есөн өрөг тоглохдоо дөрөв хожиж, дөрөв тэнцэн, зургаан оноотой тэргүүлжээ. Их мастер Б.Мөнгөнтуул уг тэмцээний өмнө Английн Лондон хотноо болсон “London chess classic” олон улсын нээлттэй тэмцээнд оролцож, мөнгөн медаль хүртсэн юм. 
 Томоохон тэмцээн уралдаанд оролцолгүй өөрийн дэмжигчдээ нэлээд хэдэн жил хүлээлгэсэн ОУИМ Б.Мөнгөнтуул ийнхүү олон улсын тэмцээнд оролцож,  чансааны оноогоо ахиулж эхэллээ. 

Л.Зул

www.zindaa.mn