Охид, хөвгүүдийн футзалын Улсын аварга шалгаруулах тэмцээн ирэх сард болно

Охидын 10, 12, 14, 16 хүртэлх насны футзалын УАШТ-ий хэсгийн тоглолтууд " English School of Ulaanbaatar" сургуулийн спорт зааланд нэгдүгээр сарын 04-07-ны хооронд, Хөвгүүдийн 10, 12 хүртэлх насны Футзалын УАШТ-ий хэсгийн болон хасагдах шатны тоглолтууд Хан-Уул дүүргийн спорт хорооны зааланд ирэх сарын 5-15-ны хооронд  болно. Харин Монголын Хөлбөмбөгийн Холбооны футзалын ордонд Хөвгүүдийн 16 хүртэлх насны хэсгийн тоглолтууд болон бусад насны медалийн төлөөх тоглолтууд, хаалтын үйл ажиллагаа явагдах юм.

Мөн Хэнтий аймгийн Чингис хаан хотод 21 аймгийн 16 хүртэлх насны шигшээ багуудын футзалын УАШТ болох хуваарьтай байна. 16 хүртэлх настнуудын хувьд ФУАШТ-ээс “Идэрчүүдийн футзалын лиг”-ийн эрхээ авах учиртай. Улаанбаатар хотоос найм, хөдөө орон нутгаас хоёр баг шалгарч “16 хүртэлх насны лиг”-ийн 10 багийг бүрдүүлнэ.

А.Эрдэнэ

www.zindaa.mn