Жюү жицүгийн УАШТ-ий нээлт боллоо

Спортын төв ордонд болж буй тус тэмцээний нээлтийн үйл ажиллагаанд  Монголын жюү жицүгийн холбооны хүндэт ерөнхийлөгч, алтан гишүүн Х.Эрдэнэбаатар, “Тэрэг транс” ХХК-ийн захирал Г.Бат-эрдэнэ, гүйцэтгэх захирал О.Болд-эрдэнэ болон Олимпийн хүрэл медальт, МУ-ын Хөдөлмөрийн баатар Х.Цагаанбаатар тэргүүтэй хүмүүс оролцсон юм. Нээлтийн үеэр Монголын жюү жицүгийн холбооны ерөнхийлөгч хэлэхдээ “Жюү жицү Монгол улсад хөгжөөд хэдийнэ арав гаруй жил болжээ. Энэ хугацаанд манай улсад маш хурдан түгэн дэлэгэрч, тив дэлхийн аваргуудтай болсон байна. Бидний хувьд ч улам хөгжүүлэхээр шаргуу ажилласаар ирлээ.”гээд нийт тэмцээнд оролцогч тамирчдад амжилт хүслээ. Мөн тус тэмцээний ерөнхий шүүгч АНУ-ын иргэн, “Ралф Грейсси Беркли” салбарын захирал, жюү жицүгийн хар бүст Дэвид Клаханыг “Биеийн тамир спортын хүндэт тэмдэг”-ээр шагнасан юм.

Т.Ариунтунгалаг

www.zindaa.mn