Ардын багш Д.Банди тэнгэрт хальжээ

Шинэ өглөөг гунигтай мэдээгээр эхлүүлж буйдаа хүлцэл өчье. Монголын Боксын спортын тодоос тод од тэнгэрт харвалаа. Монгол улсын Ардын багш, Гавьяат дасгалжуулагч Дамдинжавын Банди тэнгэрт хальжээ. 

Монгол улсын боксын спортын гавьяат дасгалжуулагч, Ардын Багш Дамдинжавын БАНДИ 1948 онд Булган аймгийн Тэшиг сумын нутагт мэндэлжээ.

Монгол улс Олимпийн хөдөлгөөний их гэр бүлд 1962 онд нэгдэж, 1964 оноос баг тамирчдаа спортын их наадам болох Олимпийн наадамд оролцуулж эхэлсэн. Тэр цаг мөчөөс хойш Монголын баг тамирчид Олимпийн наадмаас 2 алтан медаль, 9 мөнгөн медаль, 13 хүрэл медаль хүртээд байна. Гэхдээ Монголын ард түмэн Олимпийн алтан медалийг 44 жил хүлээсэн. Олимпийн наадамд оролцсон үе үеийн тамирчид алтан медалийн үзүүрээс бариад алдаж байсан түүх бий. Тэгвэл энэхүү хүлээлтийг 2008 оны Бээжингийн Олимпийн наадамд Монголын баг тамирчид тэр дундаа жүдо, боксын спортын баг тамирчид эцэс болгосон. Энэхүү хүлээлтийг эцэс болгож Монголын ард түмний 44 жил хүлээсэн Олимпийн алтан медалийг авчирахад үнэтэй хувь нэмэр оруулсан эрхэм бол боксын шигшээ багийн дасгалжуулагч Д.Банди юм.

Түүний тухай охин Б.Болормаа нь алс холын Швед улсаас ийнхүү дурсаж, эмгэнэл илэрхийлжээ.

Аав аа аааа. Ингэж дуудлаа ч эргэж ирэхгүйгээр та минь одов. Дахиж таныхаа хоолойг сонсохгүй болов, уулзана гэсэн минь, үрсээ дагуулаад очиж үнсүүлнэ гэсэн минь амлалт л төдий үлдэв. Охин минь гэж дуудан үрсийнхээ тоонд багтаасан миний хайрт аав монголын спортын од, Дамдинжавын Банди аав минь бурхан зүг одов. Олны дундаас онцолж, охин минь гэж өөриймсөж, энэ мөчөөс эхлэн чи миний охин би чиний аав гэсэн та минь хаачив.
Судсаар минь таны цус гүйгээгүй ч, зүрхэнд минь таны хайр мөнхөд байх болно аав аа. Надаар бахархаж, намайг хүлээх та минь үгүй болов, юутай гуниг, юутай харуусал. 
Дөрвөн жилийн өмнө та минь надаар ингэж бичүүлж.