“Superman” хочит Дуайт Ховард

Дуайт Дэвид Ховард 1985 оны 12-р сарын 8-нд Жиоржиа мужын Атланта хотод Дуайт сениор Ховард болон Шерл Ховард нарын хүү болон мэндэлсэн. Тэрээр Атланта Христиан Академид суралцахын хажуугаар сагсан бөмбөгөөр эрчимтэй хичээллэдэг байсан. Тэрхүү ахлах сургууль нь муждаа сагсан бөмбөгөөр дээгүүрт бичигддэг байсан ба түүний аав тэрхүү ахлах сургуулийн захирлаар ажиллаж байв. Түүний ээж нь бас коллежийн сагсан бөмбөгийн багт тоглодог байжээ.

2004 онд Дуайт Дэвид Ховорд санг байгуулсан ба тус сан ахлах сургуулийн сурагчдад коллежид үргэлжлүүлэн суралцахад зөвлөгөө туслалцаа үзүүлж зарим шилдэг сурагчдад тэтгэлэг олгодог аж. Мөн тус сан зун бүр өсвөр насны охид хөвгүүдэд сагсан бөмбөгийн зусланд сургалт зохион байгуулдаг байна. Энэ үеэр Ховард өөрийн багийн нөхөд болон бусад НБА-ын тоглогчдыг урьж цуг сагс тоглоцгоодог аж. Мөн ABC телевизийн Миний байшин мөн үү нэвтрүүлэгт оролцож Орландо хотын нэгэн гэр бүлд шинэ байшин барьж өгөхөд өөрийн биеэрээ тусалж байсан  удаатай. Түүний дуртай кино нь Нэмогийн эрэлд.  Ховард багаасаа Кевин Гарнетыг шүтдэг байсан ба түүний 12 дугаар Гарнетын хуучин 21 дугаарыг билгэддэг аж. Ахлах сургуулиа төгсөөд коллежид оролгүй шууд мэргэжлийн тамирчин болохоор шийдсэн нь мөн л Кэй Жи-тэй холбоотой ажээ.

Ахлах сургуульд байхдаа хамгаалагчийн байрлалд тоглоход хангалттай хурдтай байсан ч түүний өндөр нурууг ашиглахын тулд ихэвчлэн хүчний довтлогчийн байрлалд тоглуулдаг байв. Төгсөх жилдээ 16 оноо, 13 самбараас бөмбөг авалт, 6 блок шот дунджилж мужийн аварга болсон. МакДоналдс ахлах сургуулиудын бүх оддын тоглолтонд оролцож Жэй Ар Смиттэй хамт үнэ цэнэтэй тоглогчоор шалгарсан.  Ахлах сургуульдаа шилдэг тоглолт үзүүлснээр НБА-н багууд түүнийг маш ихээр сонирхох болсон. Түүнээс гадна Эмэко Окафор хүмүүсийн анхаарлын төвд байж тэр хоёрын хэн нь драфтын нэгээр сонгогдох тухай яриа их яригдах болсон.

Драфт болохын өмнөхөн Окафор гэмтэж, Орландо межик эргэлзэх зүйлгүйгээр Ховардыг 1-р сонгосон. Өмнөх улиралд Межик баг супер од ТМАКыг алдаад ердөө 21хэн хожилтой улирлыг дуусгаад байсан аж. НБА-д тоглосон эхний жилдээ л 12 оноо, 10 самбараас бөмбөг авалт дунджилсан.  Ховард энэ үзүүлэлтээрээ дабль дабль дунджилсэн хамгийн залуу тоглогч болов. Мөн ахлах сургуулиасаа шууд драфтлагдсан тоглогч улирлын 82 тоглолтонд бүгдэнд нь оролцсон анхны тохиолдол болжээ. Улирлын дундуур бүх оддын тоглолтын шилдэг шинэ залуу тоглогчдын тоглолтонд сонгогдсон. Улирлын эцэст тэр улирлын шилдэг шинэ залуу тоглогч шалгаруулах санал асуулгад Окафор, Бен Гордоны ард 3-т бичигдсэн.  

Эхний жилээ дуусгасны дараа зун хувиараа эрчимтэй хүчний дасгал бэлтгэл хийж 20 поунд (9кг) нэмсэн. Энэ нь багийн дасгалжуулагч Брайн Хилл түүнийг Шакил Онил шиг хүчирхэг төвийн тоглогч  болгохыг хүссэнтэй холбоотой юм.

НБА-д тоглосон 2 дахь улирал нь эхлээд удаагүй байхад буюу 2005 оны 11 сарын 25нд Шарлот Бобкетс багийн эсрэг тоглолтонд 21 оноо, 20 самбараас бөмбөг авалт хийж, 20;20 гэсэн статистик үзүүлсэн бүх цаг үеийн түүхэн дэх хамгийн залуу тоглогч болсон. Ховард энэ улиралд 15 оноо, 12.5 самбараас бөмбөг авалт дунджилж олон үзүүлэлтээр лийгийг тэргүүлсэн ч баг нь 36-46 гэсэн үзүүлэлтээр мөн л плей оффт шалгараагүй.

2006-2007

2007 оны 2 сарын нэгэнд түүнийг анх удаа бүх оддын тоглолтонд сонгосон. Тус тоглолтонд 20 оноо 12 самбараас бөмбөг авалт хийсэн. 2007 оын 4 сарын 15 нд тэрээр Филадельфи 76 багийн эсрэг өөрийн хамгийн өндөр үзүүлэлт болох 35 оноо авсан. Ховард тэр улиралд 17.6 оноо 12.3 самбараас бөмбөг авалт дунджилсан. Мөн лийгд самбараас бөмбөг авалтаараа нэгт, довтолгооны хувиараа 2т, блок шотоороо 9т бичигдсэн.  Ийнхүү түүний сайн тоглолтыг ачаар баг нь 2003 оноос хойш анх удаа плей оффт наймаар шалгарсан. Гэвч лийгийн шилдэг хамгаалалттай багийн нэгт тооцогддог Пистонст шүүрдүүлсэн түүхтэй.

2007 - 2008 оны улиралд Межик баг чөлөөт агент Рашард Льюс болон Хедо Туркоглу нарыг багтаа нэгтгэснээр багийн амжилт эрс сайжирсан. Лийгийг дабл даблын тоогоор тэргүүлж мөн 20-с дээш оноо, 20-с дээш самбараас бөмбөг авалтыг 5 удаа хийсэн байна. Түүний энэ шилдэг тоглолт түүнийг бүх оддын тоглолтын Дорнод бүсийн гараанд сонгогдоход хангалттай байлаа. Мөн тус бүх оддын тоглолтын цагирган дээрээс довтлох үзүүлбэрийн тэмцээнд орж алдарт супермены үзүүлбэрээр үзэгчдийн саналын 78 хувийг авж түрүүлсэн түүхтэй. Улирлын эцэст Орландо өөрийн дивизоноо тэргүүлж Дорнод бүсийн 3-аар плей оффт шалгарсан. Эхний шатанд Торонто Репторс багтай таарж Ховард, Нелсон нар шилдэг тоглолт үзүүлж цувралыг 4-1 ээр хожив. Тус цувралд Ховард нийт 91 самбараас бөмбөг авалт хийсэн байна.  Дараагийн шатанд өмнөх жилийн учраа Пистонс багтай таарж 4-1ийн харьцаатайгаар хожигдсоноор тэдний хувьд улирал өндөрлөв.

2008-2009 оны улирлын эхэнд шилдэг хамгаалалтыг үзүүлж 4.2 блок шот дунджилж байсан. Мөн улирлын эхэнд 30 оноо 19 самбараас бөмбөг авалт 10 блок шот хийн өөрийн анхны трипл даблыг хийсэн. Улирлын дундуур самбараас бөмбөг авалт, блок шот, довтолгооны хувь гэсэн 3 үзүүлэлтээр лийгийг тэргүүлж байсан. Мөн 3.1 сая хүн түүнийг бүх оддын тоглолтын Дорнод бүсийн гарааны төвийн тоглогчоор сонгов. Улирал дуусахад тэрээр хамгийн залуу шилдэг хамгаалан тоглогчоор шалгарсан. Межик баг 59-23 гэсэн сайн амжилттайгаар улирлыг сайн дуусгаж плей офф Филадельфи 76 багтай таарсан.

Гэвч гарааны холбон тоглогч Нелсон бэртлийн улмаас тоглох боломжгүй болсон байв. Цувралын эхний 4 тоглолт 2-2 гэсэн харьцаатай байсан ба Ховард 5 дах тоглолтонд 24 оноо 24 самбараас бөмбөг авалт хийж багаа хожилд хүргэсэн. Дараагийн шатанд өмнөх жилийн аварга Селтикс багийг 7 тоглолтонд буулгаж авсан. Бүсийн аваргын төлөө Леброн тэргүүтэй Клевлендийг тоглолтонд хожсон. Харин аваргын төлөө Лейкэрс багтай тоглосон ч 4-1ээр хожигдов. Цувралын 4 дэх тоглолтонд Ховард 9 блок шот хийж өөрийн плей оффын дээд амжилтаа үзүүлсэн.

2009-2010

Тэр зун Межик баг багийн гол тоглогчдын нэг Хедо Туркоглуг Репторс багт алдсан хэдий ч 7 удаагийн бүх одод Винс Картерыг багтаа элсүүлж чадсан. Улмаар улирлын эхний 21 тоглотоос 17 хожил авж багийнхаа түүхэн амжилтыг тогтоосон. Улирлыг 59-23 гэсэн амжилттайгаар өндөрлөж, Ховард 2 дахь удаагаа шилдэг хамгаалан тоглогчоор шалгарсан. Мөн тэрээр блок шот, самбараас бөмбөг авалт гэсэн 2 үзүүлэлтээр 2 улирал дарааллан NBA-г тэргүүлсэн анхны тамирчин болсон. Плэй оффт Межик баг эхний 2 шатанд Шарлот болон Атланта багуудыг шүүрдэж Дорнод бүсийн аваргын төлөө Сэлтикс багтай тоглохоор болсон. Эхний 3 тоглотонд хожигдож цувралыг тааруу эхлүүлсэн ч бууж өгөлгүй 4, 5 дахь тоглотуудыг өөрийн талд шийдсэн. Гэсэн хэдий ч 6 дахь тоглолтонд  Их гурвал туршлага заан хожсоноор Межик баг плэй оффоос мултрав.

Гэсэн хэдий ч 6 дахь тоглолтонд  Их гурвал туршлага заан хожсоноор Межик баг плэй оффоос мултрав.

2010-2011 оны улиралд Межик баг Хедо Туркоглуг багтааа эргүүлэн авч, Картер, Ричардсон нарыг Финикс рүү явуулсан. Энэ улиралд Ховард 79 тоглолтонд оролцож, 22 оноо, 14 самбараас бөмбөг авалт дунджилсан. Баг нь улирлыг 52 хожилтойгоор өндөрлөж Дорнод бүсийн 4-р байраар плэй оффт шалгарав.2011 оны 4-сарын 18-нд улирлын шилдэг хамгаалан тоглогчийн шагналыг хүртсэнээр энэхүү шагналыг гурван жил дарааллан хүртсэн анхны тоглогч болсон юм.Атланта Хауксын эсрэг Ховард 63 хувьтай довтолж, 27 оноо дунджилсан хэдий ч Межик баг цувралд 4-2 оор хожигдсон юм.

С.Төгөлдөр