Евгения Медведева дасгалжуулагчтайгаа маргаж өөр улсын шигшээ багт орсон уу
Пёнчаны Өвлийн олимпийн XXIII наадмын уран гулгалтын төрөл энэ жил оросуудынх байсан гэхэд болно. ОХУ-ын уран гулгагч 18 настай Евгения Медведева улсынхаа шигшээ багт эмэгтэйчүүдийн ганцаарчилсан уран гулгалтаар мөнгөн медаль авчирч, багийн уран гулгалтын богино хөтөлбөрт нэгдүгээр байрыг эзлэн дэлхийн дээд амжилтыг тогтоосон билээ. 2017 онд энэ төрөлд үзүүлсэн дэлхийн дээд амжилт мөн түүний нэр дээр бичигддэг. Харин эмэгтэйчүүдийн ганцаарчилсан төрлийн чөлөөт үзүүлбэрт тэрбээр нутаг нэгт уран гулгагч Алина Загитовад ялагдсан билээ.
Тэгвэл хойд хөршийн зарим хэвлэл Евгения Медведеваг өөр улсын шигшээ багт орсон гэж мэдээлж байгаа аж. Аль орны шигшээ рүү орсон нь тодорхой бус байгаа ч Евгения дасгалжуулагч Этери Тутберидзетэйгээ маргаж, Оросын шигшээ багийг орхисон гэсэн мэдээлэл байгаа гэнэ. Тэд юунаас болж маргалдсан нь тодорхой бус байгаа аж.
Тэгвэл Евгения Медведева Уран гулгалтын холбоонд албан ёсны тайлбар өгөхдөө “Эрхэм сэтгүүлчид ээ, тайвшир. Миний тухай худал мэдээлэл гарсныг мэдээд их цочирдлоо. Огт болоогүй зүйлийн талаар бүү ярь. Өөрсдийнхөө ажлыг л хий. Намайг болон дасгалжуулагчийг минь тайван орхи. Бид үргэлжлүүлэн хамтран ажиллана” гэжээ. Харин дасгалжуулагчтайгаа маргасан эсэх талаараа ямар нэгэн тайлбар хийгээгүй байна.
Холбоотой мэдээ
Сэтгэгдэл ( 5 )
ийм худал мэдээлэл яах гэж тавьдаг юм бэ?
мундаг тамирчин охинд улам их амжилт
Мундаг
Оросын тамирчид мундаг.
dasgaljuulagch ni bi bas anx udaa sonsoj bna tiim zuil bxgui gedeg xariu ugchee