С.Батцэцэг гавьяат Болгараас мөнгөн медаль хүртлээ
Дан Коловын нэрэмжит чөлөөт бөхийн олон улсын тэмцээн энэ сарын 21-25-ны өдрүүдэд Болгарын Софи хотноо болж өндөрлөлөө. Тус тэмцээнд Монгол Улсаа төлөөлөн оролцсон гавьяат тамирчин С.Батцэцэг амжилттай оролцож, мөнгөн медалийн эзэн болов.
“Лондон-2012” олимпийн наадмын хүрэл медальт, ДАШТ-ий хошой алт, нэг мөнгөн медальт, “Универсиад” их наадам болон Азийн аварга “Хилчин” спорт хорооны тамирчин, хөдөлмөрийн баатар, гавьяат тамирчин Соронзонболдын Батцэцэг Софигийн дэвжээнд 62 кг-ын жинд зодоглосон юм. Тэрбээр тэгшитгэлд Туркийн Баяхан Дерья, шөвгийн наймд Италийн Кампагна Аурора, хагас шигшээд Германы Луизе Манзке нарыг тус бүр цэвэр ялсан ч алтан медалийн төлөөх барилдаанд ДАШТ-ий хошой мөнгө, хүрэл медальт, эзэн орны Тайбе Юсейнд оноогоор цэвэр (2:12) ялагджээ.
Д.Тамир
WWW.ZINDAA.MN
Холбоотой мэдээ
Сэтгэгдэл ( 0 )