Б.Галсандовдон ”Харц”

Та бүхний сэтгэл оюуныг цэнгүүлэх “Зиндаа найраг” булангийн энэ удаагийн дугаараар Б.Галсандовдонгийн "ХАРЦ" шүлгийг сонордуулъя.

ХАРЦ

Дулаахан харцанд чинь

Дулаахан төрхөнд чинь

Дулаахан бодолд чинь

Дулаахан үгэнд чинь

Дурлахгүй амьдрана гэвэл

Дуулим хорвоог туулхад

Дутуу санагдана...

Энхрийхэн аалийг чинь

Энхрий сэтгэлийг чинь

Энэ орчлонд мэдрэхгүй гэвэл

Эргэх орчлонгийн хүрд

Эцсээ хүртэл эргэхгүй юм шиг санагдана

Дулаахан үгэндээ дурлал ноцоосон болхоор

Дулаан сэтгэлдээ хайраа өрдөх юм

Дурлал хайрын дундуур хамтдаа алхасан болхоор

Дуулимийн сүүдэр ч холдож тусах юм

Ийм хайрын салхинд алхахгүй гээч яах билээ

Ийм л хайртай чамдаа дурлахгүй гээд  ч яах юм бэ...

2014.04.02 У.Б хот

WWW.ZINDAA.MN