”Барселона” гурван жил дараалан шөвгийн дөрөвт шалгарч чадсангүй

Аваргуудын лигийн хариу тоглолтууд үргэлжилж байгаа билээ. Өчигдөр шөнө явагдсан Испанийн Барселона болон Италийн Рома багуудын тоглолт тун сонирхолтой өрнөв. Эхний тоглолтод "Барселона" талбайдаа Ромаг бут ниргэж, 4:1-ээр ялалт байгуулаад байсан юм.

Тэгвэл хариу тоглолтод Рома талбайдаа Испанийн "Барселона"-г 3:0-ээр хожсоноор шөвгийн дөрөвт шалгарлаа. Хоёр багийн хоёр тоглолтын нийлбэр дүн 4:4-өөр тэнцсэн ч өрсөлдөгчийн талбайд оруулсан гоолын давуу талаар "Рома" ийнхүү дараагийн шатанд үлдэв. Харин Барселонагийн хувьд энэ нь гурван жил дараалан шөвгийн дөрөвт шалгарч чадаагүй харамсалтай ялагдал боллоо.
.
Рома Итали – Барселона Испани 3:0 /Эхний тоглолт 1:4/
Гоол: Жеко 6, Росси 58-пен, Манолас 82
.
Рома: Алиссон, Фасио, Жезус, Коларов, Манолас, Наингголан (Эль-Шаарави, 77), Флоренци, Стротман, де Росси, Жеко, Шик (Ундер, 73).
Барселона: тер Штеген, Пике, Альба, Нелсон Семеду (Дембеле, 85), Умтити, Сержи Роберто, Ракитич, Бускетс (Пако Алькасер, 85), Иньеста (Андре Гомеш, 81), Месси, Суарес.
Шар хуудас: Фасио (38), Жезус (44), Пике (57), Месси (63), Суарес (72).

С.Төгөлдөр