Монголын тамирчин Б.Чимэдцэрэн Дэлхийн аварга боллоо

Автор | Zindaa.mn
2018 оны 04 сарын 29

ӨАБНУ-д пауэрлифтингийн хэвтээ шахалтын ахмад, насанд хүрэгчдийн ДАШТ болж, Монголын баг тамирчид хос алт, мөнгөн медаль хүртлээ. Тэмцээний насанд хүрэгчдийн +120 кг-ын жинд Б.Чимидцэрэн алтан медаль хүртэж, төрийн дуулалаа эгшиглүүлэв. Б.Чимэдцэрэн хэвтээгээс 357 кг туйван өргөснөөр дэлхийн аварга хэмээх эрхэм алдрын эзэн болсон бөгөөд тэрээр өмнө нь ДАШТ-ээс мөнгө, Азийн гурван удаагийн аварга, дэлхийн дээд амжилт эзэмшигч юм. Мөн -120 кг-ын жинд дэлхийн аварга Б.Алтангэрэл мөнгөн медаль хүртжээ. Хэдхэн хоногийн өмнө энэ тэмцээний ахмадын 105 кг-ын жингийн ангилалд Б.Ууганбаяр алт, Ц.Баярхүү мөнгөн медаль хүртэж, монгол түмнээ баярлуулсан. Ийнхүү Монголын пауэрлифтингийн нэгдсэн холбооны баг тамирчид 2018 оны хэвтээ шахалтын хэрэглэлтэй төрлийн ДАШТ-д төрийн дуулалаа хоёронтоо эгшиглүүлж, төрийн далбаагаа хоёронтоо мандууллаа. Тус тэмцээнд Монголын пауэрлифтингийн нэгдсэн холбооны удирдлагууд баг тамирчидаа удирдан ийнхүү бахдам амжилт байгуулаад байна.

 

С.Төгөлдөр

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
OYUNAA (86.9.145.43)  2018 оны 04 сарын 29

UNEHEERIIN MUNDAG YUMAA. TAMIRCHIDDAA ERUUL ENKH AS JARGAL SAIN SAIHNYG CHIN SETGELEESEE HUSIYE. ENE HUMUUS CHINI L JINHENE OF HUMUUS SHUU DEE.

0  |  0
Ү (112.72.14.68)  2018 оны 04 сарын 29

Баяр хүргэе

0  |  0
Top