Хөл бөмбөгийн багуудын бэлтгэлийн баазыг Төв аймагт байгуулна
Монголын Хөл бөмбөгийн холбоо, Олон улсын Хөл бөмбөгийн холбооны төсөл хөтөлбөрт шалгарч шигшээ багуудын бэлтгэлийн бааз бүтээн байгуулахаар болжээ. Төв аймагт бэлтгэлийн баазын шав тавих ёслол болсон байна. Шав тавих ёслолд МХБХ-ны техникийн захирал Ш.Жаргалсайхан, Төв аймгийн Засаг дарга Ж.Батжаргал, Төв аймгийн Хөл бөмбөгийн холбооны төлөөлөгчид оролцжээ. Шигшээ багуудын бэлтгэлийн бааз нь Төв аймгийн Сэргэлэн сумын нутаг дэвсгэрт таван га газарт баригдана. Төслийг Нидерландын Green field компани удирдан явуулах бөгөөд ирэх есдүгээр сард ногоон талбайн ажлыг дуусгахаар төлөвлөсөн байна. Монголын Хөл бөмбөгийн холбоо есөн насны шигшээ баг байгуулсан учраас байнгийн бэлтгэл сургуулилалт хийх талбай, материаллаг бааз зайлшгүй шаардлагатай болсон юм. Шигшээ багуудын бэлтгэлийн баазтай болсноор төсөв мөнгө хэмнэх, өөрсдөө гадаадад бэлтгэх хийхгүй гадаадын багуудыг эх орондоо хүлээн авах, үндэсний багууд тогтмол бэлтгэлтэй байх зэрэг давуу талууд бий болох юм.
А.Эрдэнэ
Холбоотой мэдээ
Сэтгэгдэл ( 0 )