Кайл Снайдер гурван жил дараалан АНУ-ын оны шилдэг бөхөөр тодорлоо

2018 оны 06 сарын 16

“Рио-2016” олимпийн наадмын аварга, дэлхийн хошой аварга Кайл Снайдер 2017 оны АНУ-ын шилдэг бөхөөр тодорчээ. Олимпийн хошой, дэлхийн дөрвөн удаагийн аварга домогт бөх Жон Смитийн нэрэмжит энэхүү шагналыг өдгөө 22 настай Снайдер сүүлийн гурван жил дараалан хүртэж байгаа юм.

Снайдер 2017 онд Парисын ДАШТ-д гол өрсөлдөгч ОХУ-ын Абдулрашид Садулаевыг шигшээ барилдаанд ялж түрүүлснээс гадна Америкийн АШТ, Иван Ярыгиний “Алтан Гранпри”, Мадридын Гранприд аваргалж, Дэлхийн цом, клубийн ДАШТ-ээс мөнгөн медаль хүртсэн амжилтаар тус шагналыг хүртсэн.

АНУ-ын шилдэг бөхийн шагналыг 1992 оноос олгож эхэлжээ. Шагналын анхны эзнээр Жон Смит тодорч, түүнээс хойш түүний нэрэмжит болгосон аж. Олимп, дэлхийн аварга Жордан Барроуз, Кайл Снайдер нар тус шагналыг хамгийн олон удаа буюу гурван удаа хүртээд байна.

АНУ-ЫН ОНЫ ШИЛДЭГ БӨХЧҮҮД

2017 он - Кайл Снайдер
2016 он - Кайл Снайдер
2015 он - Кайл Снайдер
2014 он - Тервел Жлагнев
2013 он - Жордан Барроуз
2012 он - Жордан Барроуз
2011 он - Жордан Барроуз
2010 он - Жейден Бергман
2009 он - Жейк Герберт
2008 он - Хенри Сехудо
2007 он - Даниел Кормье
2006 он - Билл Задик
2005 он - Толли Томпсон
2004 он - Каел Сандерсон
2003 он - Каел Сандерсон
2002 он - Жо Уильямс
2001 он - Жо Уильямс
2000 он - Брэндон Слэй
1999 он - Стивен Нил
1998 он - Сэмми Хэнсон
1997 он - Лес Гачес
1996 он - Кендалл Кросс
1995 он - Кевин Жексон
1994 он - Мелвин Дуглас
1993 он - Терри болон Том Брандс
1992 он - Жон Смит

Д.Тамир

WWW.ZINDAA.MN


Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top