Elixir Petroleum компани Засгийн газартай бүтээгдэхүүн хуваах гэрээ байгуулна

Австралийн хөрөнгийн биржид бүртгэлтэй “Elixir Petroleum” компани Монгол Улсын засгийн газартай “Golden Horde” компаниар дамжуулан бүтээгдэхүүн хуваах гэрээ байгуулахаар тохиролцжээ.

Өмнөговь аймгийн Номгон суманд байрлах “Номгон-9” хайгуулын талбайд метан хийн хайгуул хийхээр төлөвлөж байгаа “Golden Horde” компани нөөц хангалттай гэж үзэж байгаа юм. Тус компанийн хувьцаа сүүлийн хоногуудад 0.06 австрали долларт тогтвортой байгаа аж. “Elixir Petroleum” компани “Golden Horde” компанийн 79 сая ширхэг хувьцааг худалдаж авах гэрээг байгуулаад байгаа юм. Өнгөрсөн тавдугаар сард “Elixir Petroleum” компанийн удирдлагууд Засгийн газартай бүтээгдэхүүн хуваах гэрээний асуудлаар уулзах хүсэлтээ илэрхийлж байжээ. “Golden Horde” компани хайгуулын ажилдаа зориулж одоогийн байдлаар 1.25 сая ам.долларын хөрөнгө оруулаад байгаа юм.

Б.Азаа

zindaa.mn