Дэлхийн чансааг тэргүүлэгч М.Уранцэцэг эхний учраагаа цэвэр яллаа

Азербайжаны нийслэл Баку хотноо болж буй жүдо бөхийн дэлхийн аварга шалгаруулах тэмцээнд 48 кг жинд зодоглож буй М.Уранцэцэг эхний учраагаа цэвэр яллаа. Дэлхийн чансааг тэргүүлэгч М.Уранцэцэг Узбекийн жүдоч Салохитдиноватай учраа таарч хоёр дахь минутад цэвэр ялснаар дараагийн шатанд шалгарлаа. Тэрээр дараагийн шатанд Кубын жүдоч Уртадо Мунозтой барилдана.

М.Уранцэцэг өнгөрсөн жилийн дэлхийн аваргаар мөнгөн медаль хүртэж байсан бол 2013 оны Рио де Жанейрогийн дэлхийн аваргад түрүүлж байсан юм.

Б.Азаа

zindaa.mn