Д.Лүндээжанцан гишүүн шатрын олимпод оролцож явна

Дэлхийн шатрын олимп энэ сарын 26-наас 30-ны өдрүүдэд Гүрж улсад зохион байгуулагдаж байна. Дэлхийн шилдэг шатарчид чуулж буй олимпод манай улсаас Шатрын холбооны тэргүүн болон Дэлхий шатрын холбооны мастер Д.Мөнхзул тэргүүтэй тамирчид оролцохоор аяны дөрөө авчээ. Харин энэ удаагийн олимпод манай парламентийн нэртэй шатарчдын нэг Д.Лүндээжанцан гишүүн оролцохоор УИХ-ын даргын томилолт өвөртөлсөн байна.

Д.Лүндээжанцан гишүүний хувьд УИХ дахь шатрын “Лобби” бүлгийн гол гишүүдийн нэг төдийгүй Монголын шатрын холбооны тэргүүлэгч, шатрын зүтгэлтнүүдийн нэг юм. Уг нь Монголын шатрын холбооны ерөнхийлөгч, манай парламентийн шаггүй шатарчдын нэг Б.Саранчимэг гишүүн олимпод оролцох ёстой байсан ч энэ удаад Ерөнхий сайдын АНУ-д хийж буй айлчлалын багт багтсан учраас оролцох боломжгүй болжээ.

Тиймээс УИХ-ын гишүүн П.Лүндээжанцан парламентийг төлөөлөн олимпод оролцож шатарчдынхаа дээлийн захыг мушгиж яваа аж.

С.Ууган

www.zindaa.mn