Уул уурхай, хүнд үйлдвэрийн сайд Торонтогийн хөрөнгийн биржийн төлөөлөлтэй уулзлаа

Уул уурхай хүнд үйлдвэрийн сайд Д.Сумъяабазар “Эрдэнэс Тавантолгой” компани Олон улсын зах зээлд гарах, IPO хийх ажилтай холбоотойгоор Торонтогийн хөрөнгийн биржийн удирдлагуудтай уулзлаа. Канадын Торонто хотноо энэ сарын 9, 10-ны өдөр “Тавантолгойг эдийн засгийн эргэлтэд оруулах ажлыг эрчимжүүлэх тухай” УИХ-ын 76 дугаар тогтоолын биелэлтийг хангах ажлын хүрээнд ажилласан юм.

Түүнчлэн Канадын Экспортыг хөгжүүлэх сангийн удирдлагуудтай уулзаж хөрөнгө оруулалт, хоёр улсын эдийн засгийн хамтын ажиллагааны тухай санал солилцсон байна. Уулзалтад Монгол Улсаас Канад улсад суух Онц бөгөөд Бүрэн эрхт элчин сайд Я.Ариунболд байлцсан байна.

Б.Азаа

zindaa.mn