ДАШТ: Т.Тулга Польшийн бөхийг ялж, шөвгийн наймд үлдлээ

З.Тэмлүүн | Zindaa.mn
2018 оны 10 сарын 22

Бөхийн чөлөөт барилдааны Дэлхийн аварга шалгаруулах тэмцээн /ДАШТ/-ий эрэгтэйчүүдийн 65 кг-ын жинд өрсөлдөж буй ОУХМ Т.Тулга хоёрдугаар тойргийн барилдаандаа “Парис-2017” ДАШТ-ий мөнгө, ЕАШТ-ий нэг алт, дөрвөн мөнгөн медальт Польшийн дагестан легионер Магомедмурад Гажиевийг ялснаар шөвгийн наймд шалгарлаа.

Өсвөр үеийн Азийн аварга, Тахтийн цомын алт, Дмитрий Коркиний ОУТ-ий мөнгөн медальт, “Арслан” клубийн тамирчин ОУХМ Т.Тулга эхний тойрогт 2017 оны ЕАШТ-ий хүрэл медальт Словений Давид Хабатыг цэвэр ялсан.

Манай бөх 1/4 шигшээд ДАШТ-ий хүрэл медальт, Азийн наадам болон Азийн аварга, Энэтхэгийн Бажранг Пунья, БНСУ-ын Ли Сён Чул нарын ялсантай барилдана.

ДАШТ-ий хоёр дахь өдөр чөлөөт бөхийн 57, 65, 79, 92 кг жингийн урьдчилсан шат, 61, 74, 86, 125 кг-ын жингийн финалын барилдаан болж байна.

Л.ТӨРТОГТОХ ЭХНИЙ ЯЛАЛТАА АВЛАА

ДАШТ-ий эрэгтэйчүүдийн 92 кг-ын жинд өрсөлдөж байгаа Красноярскийн “Алтан Гранпри”-гийн хүрэл, Дмитрий Коркиний нэрэмжит ОУТ-ий алт, хүрэл медальт, “Монголиа Опен” ОУТ-ий хошой аварга, “Арслан” клубийн тамирчин, ОУХМ Л.Төртогтох 1/8 шигшээ барилдаанд Казахстаны Нургали Нургайпулиг 2:1-ээр ялав. Тэрбээр эхний тойрогт хийлсэн. Одоо манай бөх шөвгийн наймд ЕАШТ-ий хошой хүрэл медальт, Беларусийн Иван Янковскийтэй хүч үзнэ.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Oyun (66.181.161.78)  2018 оны 10 сарын 22

Shuud damjuulj bga suvag bnuu

0  |  0
Oyun (66.181.161.78)  2018 оны 10 сарын 22

Shuud damjuulj bga suvag bnuu

0  |  0
Oyun (66.181.161.78)  2018 оны 10 сарын 22

Shuud damjuulj bga suvag bnuu

0  |  0
Oyun (66.181.161.78)  2018 оны 10 сарын 22

Shuud damjuulj bga suvag bnuu

0  |  0
Top