Охидын шигшээ анхны хожлоо авлаа

З.Тэмлүүн | Zindaa.mn
2018 оны 10 сарын 27

Анх удаа Азийн тэмцээнд оролцож байгаа 19 хүртэлх насны охидын шигшээ баг өчигдөр /2018.10.26/ хэсгийн хоёр дахь тоглолтоо Хонгконгийн эсрэг хийлээ. Тус тоглолтын туршид манай охид эсрэг багаас зохион байгуулалт, ур чадварын хувьд илүү байж, 7 дугаартай Э.Энхмаргад гоол оруулснаар 1:0-ийн харьцаатай анхны ялалтаа байгууллаа.   

Дэлхийн чансааны 6-р байрт бичигддэг Австралитай эхний тоглолтоо хийж, сандралаа тайлж, цаг агаартаа бага ч гэсэн дассан нь мөн тус тоглолтод ялалт байгуулах бас нэг түлхүүр байсан гэхэд болно.

Азийн хөлбөмбөгийн холбооноос зохион байгуулдаг 19-өөс доош насны эмэгтэйчүүдийн аварга шалгаруулах тэмцээний сонгон шалгаруулах тэмцээний хэсгийн эхний тоглолтод Монголын шигшээ баг Австралийн багт 18:0-ээр хожигдож гараагаа тааруу эхлүүлсэн ч ийнхүү анхны хожлоо авлаа.

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Монгол (103.10.21.122)  2018 оны 10 сарын 27

Баяр хүргэе Охидууд аа Баярлалаа Австралийн хөл бөмбөг чинь бүх насны ангилалдаа Дэлхийд танигдсан юм байгаа юм зүгээр хожигдож байж хожиж сурдаг юм 18:0 бол Австрали Монголын хооронд байх л голын тоо

0  |  0
Top