Хос алтан медалийн эзэн өнөөдөр эх орондоо ирнэ

WBPF холбооны 10 дахь удаагийн Дэлхийн аварга шалгаруулах тэмцээн /ДАШТ/-д оролцсон ОУХМ Г.Угалзцэцэг хос алтан медаль хүртлээ.

Тайланьдын Чианг Май хотод 2018 оны бодибилдинг, фитнессийн ДАШТ арванхоёрдугаар сарын 14-16-ны өдрүүдэд болж өндөрлөсөн юм. Тус тэмцээнд 51 орны 650 гаран тамирчид нийт 52 ангилалд өрсөлдсөн байна.

Энэ жилийн ДАШТ-д Монгол Улсаас эмэгтэй 6, эрэгтэй 8 тамирчин, 1 шүүгч, 1 албаны хүний бүрэлдэхүүнтэй баг оролцож, 2 алт, 4 мѳнгѳ, 3 хүрэл медаль хүртэн, 3 тамирчин шагналт 4-р байр, 2 тамирчин шагналт 5-р байр эзэлсэн бахдам  амжилт үзүүллээ. Тухайлбал, ОУХМ Г.Угалзцэцэг хос алтан медалийн эзэн болов.

Баг тамирчид өнөөдөр /2018.12.18/ эх орондоо ирэх бөгөөд 23:00 цагт "Чингис хаан" олон улсын нисэх буудалд буух аж.

Энэ удаагийн ДАШТ-нд амжилт үзүүлсэн тамирчид

-Women”s Athletic Physique over 165cm ангилалд Г.Угалзцэцэг Алтан медаль,

-Women”s Ladies Athletic Physique 30-40 yrs ангилалд Г.Угалзцэцэг Алтан медаль,

-Women”s Athletic Physique up to 165cm ангилалд Г.Гансаруул Мѳнгѳн медаль,

-Women”s Model Physique up to 160cm ангилалд Б.Мѳнхчимэг Мѳнгѳн медаль,

-Men”s Sports Physique up to 170 cm ангилалд Б.Лхагвадорж Мѳнгѳн медаль,

-Men”s Sports Physique up to 180 cm ангилалд Ж.Баянмѳнх Мѳнгѳн медаль,

-Women”s Junior Model Physique 21 yrs ангилалд М.Мойлоо Хүрэл медаль,

-Women”s Sports Physique up to 165 cm ангилалд Х.Болорчимэг Хүрэл медаль,

-Men”s Junior Bodybuilding up to 75 kg ангилалд Б.Хэрлэн шагналт 4-р байр,

-Men”s Fitness Physique over 170 cm ангилалд Ж.Баянмѳнх Хүрэл медаль,

-Women”s Ladies Athletic Physique 30-40 yrs ангилалд Г.Гансаруул шагналт 4-р байр,

-Men”s Sports Physique over 180 cm ангилалд М.Эрхэмбаяр шагналт 4-р байр,

-Men”s Sports Physique over 180 cm ангилалд Х.Мѳнхбилэг шагналт 5-р байр,

-Men”s Sports Physique up to 175 cm ангилалд Э.Батдорж шагналт 5-р байр тус тус эзэллээ.

Д.Тамир

WWW.ZINDAA.MN