Шадар сайд асан Ц.Оюунбаатарыг шүүх хурал хойшлогдлоо

Шадар сайд асан Ц.Оюунбаатарыг шүүх хурал энэ сарын 19-ны өдөр хүртэл хойшлогдлоо. Учир нь, шүүгдэгч Д.Жаргалсайхан нь 2019.01.08-16-ны өдрийг хүртэл эрүүл мэндийн шалтгааны улмаас эмнэлэгт хэвтсэн гэх эмчийн магадлагааг ирүүлсэн, мөн шүүгдэгч О.Тэмүүжингийн өмгөөлөгч Н.Тэрбиш нь хөдөө орон нутагт шүүх хуралд оролцож байгаа тул шүүх хуралдааныг хойшлуулж өгнө үү гэсэн хүсэлт гаргасан байх тул шүүх хуралдааныг хойшлуулах хүсэлтийг шүүгч хүлээн авсан байна. Шадар сайд асан Ц.Оюунбаатарыг албан тушаалын байдлаа урвуулан ашиглаж, улсад их хэмжээний хохирол учруулсан гэх үндэслэлээр шалгаж, Ц.Оюунбаатар, Д.Жаргалсайхан, О.Тэмүүжин нарт 2002 оны Эрүүгийн хуулийн тусгай ангийн 263 дугаар зүйлийн 263.2 дахь хэсэгт зааснаар яллах дүгнэлт үйлдэн, ял төлөвлөөд байгаа юм.