“Дэлхийн модны өдөр” наадамд оролцох уран бүтээлчийг шалгаруулна

Монголын урлагийн зөвлөл, Америкийн Олон улсын мод хамгаалах соёлын нийгэмлэгтэй хамтран тус нийгэмлэгээс зохион байгуулж буй “Дэлхийн модны өдөр” олон улсын наадамд оролцох уран бүтээлчийг сонгон шалгаруулах уралдааныг зарлажээ. “Дэлхийн модны өдөр” наадам нь мод хүн төрөлхтний амьдрал, тогтвортой хөгжилд чухал үүрэг гүйцэтгэдэг болохыг олон нийтэд таниулах зорилгоор жил бүр зохион байгуулагддаг соёл урлагийн арга хэмжээ юм.

2018 онд “Дэлхийн модны өдөр” наадам Камбож улсад “Будда торгоны замыг ивээж байна” сэдвийн дор зохиогдож, уран бүтээлч С.Цэнгэл амжилттай оролцсон.

Энэ жил Австрали улсад “Өөрчлөлт” сэдвийн дор гурвадугаар сарын 19-25-ны өдрүүдэд зохион байгуулах гэж байна. Тус наадмын хүрээнд симпозиум, олон улсын уран бүтээлчдийн модон сийлбэрийн үзүүлбэр, үзэсгэлэн зохион байгуулагдахын сацуу ардын урлагийн сургалт, хөгжмийн наадам, мод тарих үйл ажиллагаа зэрэг арга хэмжээ явагдана. Шалгарсан уран бүтээлч наадамд уригдан, олон улсын уран бүтээлчидтэй хамтран бүтээл туурвиж, үзэсгэлэнд оролцох боломжтой.

Урлагийн төрөл

• Модон сийлбэр

Сонгон шалгаруулах шалгуур

• Чадварлаг мэргэжлийн уран бүтээлч байх

• Багаар ажиллах чадвартай байх

• Англи хэлний дунд шатны мэдлэгтэй байх

Наадам болох газар, хугацаа

• Граз, Австрали улс

• 2019 оны гуравдугаар сарын 15-23-ны өдрүүдэд
  

Сонгон шалгаруулалт

• Сонгон шалгаруулалтыг уран бүтээлчдийн дунд нээлттэй зарлах ба хүлээн авсан материал, танилцуулгад тулгуурлан шалгаруулалтыг МУЗ болон Олон улсын мод хамгаалах соёлын нийгэмлэгийн хамтарсан хороо гүйцэтгэнэ.

• Шалгарсан уран бүтээлчийн наадамд оролцох бүх зардлыг зохион байгуулагчид хариуцна.

Бүрдүүлэх материал

• Уран бүтээлчийн намтар

• Уран бүтээлийн ерөнхий танилцуулга /зураг, тайлбар/

Шалгаруулалтын материалыг нэгдүгээр сарын 25-нийг хүртэл хүлээн авна.