2019 оны Иван Ярыгиний нэрэмжит Гранпри тэмцээн хоёр дахь өдрөө үргэлжилж байна.

Монголын баг тамирчдын медалийн салхийг эмэгтэйчүүдийн 55 кг-ын жинд өрсөлдсөн, “Монголиа Опен” ОУТ-ий хошой хүрэл медальт, “Женко” клубийн тамирчин, спортын мастер Бат-Очирын Болортуяа хагалж, өнөөдөр /2019.01.25/ хүрэл медалийн эзэн боллоо. Тэрбээр медальтай үлдэх эсэхээ шийдвэрлэх барилдаанд өнгөрсөн жилийн Залуучуудын дэлхийн болон ЕАШТ-ий хүрэл медальт, эзэн орны Екатерина Вербинатай хүч үзэв.

Б.Болортуяа хэсгийн барилдаанд түүнийг 6:4-өөр ялсан бөгөөд энэ удаа 7:5-аар дахин илүүрхснээр шагналын тавцанд зогслоо.

Харин эмэгтэйчүүдийн 50 кг-д “Хилчин” спорт хорооны тамирчин Н.Анударь хүрэл медалийн төлөөх барилдаанд Узбекистаны Дуалетбик Якшимуратовад 2:3-аар ялагдлаа. Тэмцээн үргэлжилж байна.

ХОЛБООТОЙ МЭДЭЭ

Г.Мандахнаран АЛТАН медалийн төлөө барилдахаар шалгарлаа

С.Батцэцэг, С.Цэрэнчимэд, Э.Даваанасан нар АЛТАН МЕДАЛИЙН төлөө барилдана