Н.Төгсцогтыг дэмжигч “Алтан Дорнод Монгол”-д талархал илэрхийлье

Өнөөдөр монголчууд, Монголын ард түмэн мэргэжлийн боксын шинэ аваргатай болж, сэтгэл дүүрэн байна.

Монгол Улсын Гавьяат тамирчин, олимп, ДАШТ-ий мөнгөн медальт Н.Төгсцогт мэргэжлийн боксын IBO холбооны аваргын бүсийг зүүсэн анхны монгол тамирчин болов. Өнөөдөр үзүүлсэн түүний энэхүү амжилттай зэрэгцэн “Алтан Дорнод Монгол” компанийн талаар дурсахгүй байхын аргагүй.

Н.Төгсцогтыг мэргэжлийн спортоор хичээллэж, АНУ-ыг зорих шийдвэр гаргаснаас хойш өнөөдрийг хүртэлх дөрвөн жилийн хугацаанд “Алтан Дорнод Монгол” компани түүнийг тасралтгүй дэмжин, сар бүр Монголоос цалин, урамшуулал илгээж, зөвхөн бэлтгэлдээ, зорьсон зорилгодоо анхаарах боломжийг олгож байсныг олон хүн мэдээгүй байж магад. Энэ тухай ил гаргаж хэлдэггүй ч бүхий л цаг хугацаанд Н.Төгсцогтыг дэмжин, алтан бүсийн эзэн болох тулаанд амжилттай оролцуулсан Т.Ариунболд захиралтай “Алтан Дорнод Монгол”-ын хамт олонд энэ цаг мөчид талархах учиртай.

“Алтан Дорнод Монгол”-ын захирал, Н.Төгсцогтын үнэнч дэмжигч Т.Ариунболд   “Barclays Center”-т болсон шийдвэрлэх тулааныг очиж үзжээ.

Мөн өнөөдрийн тулааныг монголчууддаа шууд дамжуулан хүргэсэн NTV телевиз, шууд дамжуулалтыг дэмжин ажилласан “Мах импекс”, “Скайтел” компанийн хамт олонд талархал уламжилъя.

Спортын контентыг шууд дамжуулах эрх худалдаж авах, түүнийг нэвтрүүлэх нь хөрөнгө санхүү, багийн ажиллагаа шаардсан томоохон ажил бөгөөд мэргэжлийн боксын шийдвэрлэх тулааныг эдгээр байгууллагууд хамтран, Монголд анх удаа амжилттай дамжууллаа.