ДАРХАН-УУЛ: Үзэсгэлэн худалдаагаар 230 сая төгрөгийн борлуулалт хийжээ

Автор | Zindaa.mn
2019 оны 01 сарын 28

Монголын уламжлалт сар шинийн баярын өмнө зохион явагддаг “Цагаан сар-2019” үзэсгэлэн худалдаа 21 дэх жилдээ Залуучууд театрт амжилттай болж өндөрлөлөө. Нийт 27 аж ахуй нэгж байгууллага, 120 гаруй өрхийн үйлдвэрлэгч оролцсон тус үзэсгэлэн худалдааны үеэр 230 гаруй сая төгрөгийн борлуулалтыг хийсэн байна. Шилдэг стэндтэй оролцогчоор “Органик хөдөө аж ахуйн түншлэл” төслийн баг шалгарсан бол Хэрэглэгчдийн эрх ашгийг хамгаалах нийгэмлэгийн нэрэмжит өргөмжлөлөөр “Мөнх Аялгуу” ХХК-ийн органик хүнсний дэлгүүр, Үзэсгэлэн худалдааны нэрэмжит өргөмжлөлөөр “Найртын эхэнд дэлгэрэх” ХХК, “Батбүрэн толгой” ХХК, Архангай аймгийн Чулуут сумын иргэн Х.Рэнцэнсамбуу, Дархан сумын 13 дугаар багийн иргэн Б.Энх-Амгалан, “Дархан нэхий” ХХК, “Бенафит” ХХК, “Сэтгэл шингэсэн үйл” нөхөрлөл тус тус шагнагджээ.

 

Харин 2019 оны Манлай бүтээгдэхүүнээр “Сая сая баялаг”ХХК, “Мөнхөд Мандаг” ХХК, Дархан сумын 15 дугаар багийн иргэн Г.Хашцэцэг, “Эгшиглэн Хорго” ХХК, “Дархан ширэн урлал” ХХК, “Дархан ариун ундарга” ХХК, “Милко”ХХК, “Дархан гэрэл” ХХК, “Тэс Оргил”ХХК шалгарсан байна. Цагаан сар үзэсгэлэн худалдааны шилдгийг шилдэг Гра при бүтээгдэхүүнээр “Мөнх Ундрам хүнс” ХХК шалгарлаа. 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top