Хөлбөмбөг: Залуучуудын шигшээ БНАСАУ, Сингапур, Хонконгтой нэг хэсэгт багтжээ

2019 оны 03 сарын 06

Герман мэргэжилтэн Майкл Вайссаар ахлуулсан Үндэсний шигшээ болон 23 хүртэлх насны залуучуудын шигшээ багууд 3-р сарын 2-ны өдөр урд хөрш БНХАУ-ыг зорьсон билээ. Манай хөлбөмбөгчид БНХАУ-ын Кумминг хотноо бэлтгэл сургуулилтаа эрчимтэй базааж байгаа бөгөөд энэ сарын 16-ны өдөр эх орондоо эргэн ирэх юм.

“Үндэсний шигшээ баг энэ жил ДАШТ-ий урьдчилсан шатны чухал тоглолтод оролцох учир урд хөршид хийж байгаа тус бэлтгэлд онцгой ач холбогдол өгч байна” гэж Монголын хөлбөмбөгийн холбооноос мэдээллээ.

Харин залуучууд манай улсад 3-р сарын 22-26-ны өдрүүдэд зохион байгуулагдах 23 хүртэлх насны Азийн АШТ-ий урьдчилсан шатны тоглолтод оролцоно. Манай баг Хойд Солонгос, Хонконг, Сингапурын багуудтай G хэсэгт орсон байгаа.

2019.03.22

Хонконг – Сингапур 13.00 цаг

Хойд Солонгос – Монгол 17.00

2019.03.24

Сингапур – Хойд Солонгос 13.00

Монгол – Хонконг 17.00

2019.03.26

Хойд Солонгос – Хонконг 13.00

Сингапур – Монгол 17.00

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top