ОРХОН: Эрдэнэт, Манжуур хотууд хамтран ажиллах гарын үсэг зурлаа

Автор | Zindaa.mn
2019 оны 04 сарын 01

Орхон аймгийн Засаг дарга Д.Батлут БНХАУ-ын Манжуур хотын намын хорооны дарга Дү Лян Хэ тэргүүтэй төлөөлөгчдийг өнөөдөр /2019.04.01/ хүлээн авч уулзлаа. Уг уулзалтын үеэр Орхон аймаг Манжуур хоттой 2019-2020 хамтран ажиллах төлөвлөгөөнд гарын үсэг зурлаа. Эрдэнэт хот нь Манжуур хоттой 2014 оноос өнөөг хүртэл идэвхтэй хамтран ажиллаж буй. Энэ хугацаанд төрийн захиргааны байгууллага хоорондын хамтын ажиллагааг бэхжүүлэх, эдийн засаг худалдаа, аялал жуулчлалыг хөгжүүлэх, хүмүүнлэгийн чиглэлийн хамтын ажиллагааг идэвхжүүлэх чиглэлд голлон хамтран ажилласан юм.

Ийнхүү Орхон аймаг Манжуур хоттой 2019-2020 хамтран ажиллах төлөвлөгөөнд гарын үсэг зурж буй үйлд явдал нь Монгол, Хятад Улсын хооронд дипломат харилцаа тогтсоны түүхт 70 жилийн ойтой давхцаж байгаа нь онцлог гэж үзэж буй Засаг дарга Д.Батлут илэрхийлсэн. Дээрх ойн хүрээнд Манжуур хотын “Эдийн засаг, худалдааны өдрүүд”-ийг энэ оны 5 дугаар сард Эрдэнэт хотод зохион байгуулахаар болсон гэдгийг ч хэлсэн үгэндээ дурдсан юм.
Манжуур хот нь БНХАУ-ыг хамгийн том хуурай замын боомт. Тиймээс нэг бүс, нэг замын стратегид чухал байр суурь эзэлж байгааг тус хотын намын хорооны дарга Дү Лян Хэ хэллээ. Энэ нь Эрдэнэт болон Манжуур хотын хооронд худалдаа, эдийн засгийн хамтын ажиллагааг хөгжүүлэх таатай нөхцөл болж байгаа гэж хоёр талын төлөөлөгчид үзэж буйгаа уулзалтын үеэр илэрхийлсэн юм. 
 
 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top