Хаябуса-2 хөлөг жижиг гараг дээр бөмбөг дэлбэлнэ

Я.Болор | Zindaa.mn
2019 оны 04 сарын 05

Японы Хаябуса-2 сансрын хөлөг судалж буй Рюгү жижиг гараг дээр дэлбэрэх төхөөрөмж ажиллуулсан байна. Ингэснээр Рюгү гараг дээр хиймэл тогоо бий болгож, дээжийг нь судлах бөгөөд эрдэмтдэд нарны аймаг хэрхэн үүссэн талаар олж мэдэхэд дөхөм болох юм.  

Киодо Ньюс агентлагийн мэдээлснээр, энэ туршилт амжилттай болсон эсэх нь энэ сарын сүүлээр тодорхой болох юм. SCI дэлбэрэх төхөөрөмжийг Хаябуса-2 өнөөдөр /2019.04.05/ ажиллуулсан бөгөөд 10 метр өргөн тоогоо бий болгохоор төлөвлөж байна. Хаябуса-2 SCI төхөөрөмжийг Рюгү жижиг гарагийн гадаргуугаас 500 метрийн өндөрт хаясан байна. Дэлбэрэлтийн бичлэгийг нэг км зайд байрлуулсан DCAM3 жижиг хэмжээний камераар авах гэнэ. Дүрс бичлэг хэдий хэр хугацааны дараа дэлхий рүү дамжигдах нь одоогоор тодорхойгүй байна.

Хэрэв туршилт төлөвлөсний дагуу болбол Хаябуса-2 хэдэн долоо хоногийн дараа тоогоо үүссэн газарт эргэн очиж, астероидын дээжийг авах юм. Эдгээр дээж эрдэмтдэд нарны аймгийн гарагууд хэрхэн үүсэн бий болсон талаар чухал мэдээлэл өгөх учиртай.

Рюгү нь С төрлийн жижиг гараг хэмээгддэг сансрын чулууны энгийн төрөл юм.  

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top