ОРХОН: Долоон бурхан одны тахилгын ёслол үйлдэнэ  

Л.Болд | Zindaa.mn
2019 оны 05 сарын 14

Орхон аймгийн Баян-Өндөр хайрханы болон Тэнгэрийн долоон бурхан одны тахилгын ёслол өнөөдөр, маргааш /2019.05.14-15/ хоёр өдөр болох гэж байна. Тахилгын ёслол  өнөөдөр 19:00 цагаас Тэнгэрийн долоон бурхан одыг тахих ёслолоор эхэлнэ. Ёслол Баян-Өндөр хайрханы өвөр, Хүрэнбулагийн рашааны баруун хойд талд болно.

Мөн маргааш зуны тэргүүн сарын шинийн арван нэгний билэгт сайн өдөр Баян-Өндөр хайрханаа тахина. Баян-Өндөр хайрханы тахилгын үеэр лам хуврагууд ном хурахаас гадна 8 тахил, 7 эрдэнийг залах тэргүүтэй овоо тахилгын зан үйл үйлдэх юм.

Баян-Өндөр хайрханыг орон нутгийн хамгаалалтад авах шийдвэрийг анх 1998 онд тэр үеийн ИТХ-аас гаргаж байжээ. Улмаар  2011 онд тухайн үеийн Засаг даргын шийдвэр гарч жил бүрийн зуны эхэнд сард тахиж байхаар болсон байна. Өнгөрсөн оны тухайд Баян-Өндөр хайрханы болон Тэнгэрийн долоон бурхан одны тахилгын ёслолд 4000 гаруй иргэн оролцсон байна.

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(202.179.26.92) 2019 оны 05 сарын 14

Энэ их тахилга шүтлэгээ болиод ажил хийж амьдрал ахуйгаа дээшлүүлмээр юм даа

0  |  0
Top