ОРХОН: ”Эрдэнэт” цэцэрлэгт хүрээлэн байгуулж байна

Орхон аймгийн Эрдэнэт хотод нийтдээ 20 га талбай газарт орчин үеийн жишигт нийцсэн цэцэрлэгт хүрээлэн байгуулж байна. Энэхүү бүтээн байгуулалтад өнгөрсөн онд  нийт 2,6 тэрбум төгрөгийн хөрөнгө оруулалт хийснээс 1,6 тэрбум  төгрөгийг  “Эрдэнэт үйлдвэр” ТӨҮГ –аас санхүүжүүлжээ. Энэ онд Цэцэрлэгт хүрээлэнгийн бүтээн байгуулалтад улсын төсвөөс 2 тэрбум, орон нутгийн төсвөөс 1.2 тэрбум төгрөг зарцуулахаар болсон. Мөн Эрдэнэт үйлдвэрээс 2 тэрбум төгрөгийн хөрөнгө оруулалт хийгдэнэ.  Ингэснээр эхний ээлж 2019 онд ашиглалтад орж 2020 онд бүрэн дуусна.

Цэцэрлэгт хүрээлэн нь жилийн дөрвөн улирлын турш байнгын ажиллагаатай, хүүхэд, залуусын амралт, чөлөөт цагийг зөв боловсон өнгөрүүлэх тав тухыг бүрдүүлсэн спорт, соёл урлаг, үйлчилгээ гэсэн гурван хэсэгтэй, эко, ногоон байгууламжаар хүрээлүүлсэн аялал жуулчлалыг хөгжүүлэх зэрэг олон давуу талтай юм.