ДАРХАН-УУЛ: Дархлаажуулалтын аян өрнөж байна

Дархан-Уул аймгийн хэмжээнд найман байнга болон явуулын цэг, 31 түр цэгээр 10-18 насны 13209 хүүхдийг вакцинд хамруулахаар төлөвлөжээ. Энэ сарын 15-наас эхлэн “Улаанбурхан, улаанууд өвчний эсрэг нэмэлт дархлаажуулалт”-ын аяныг явуулж эхлээд байна.

Тус дархлаажуулалтын ажлын хүрээнд өрх, сумдын эрүүл мэндийн төвүүдийн дарга, эмч, вакцинатор сувилагч 24 хүнийг сургалтад хамруулж, мэргэшүүлсэн байна. Цаашдаа уг ажил үргэлжлэн дээрх хүүхэд багачуудыг дархлаажуулалтад хамруулах юм.