БАГАНУУР: “Дөл түшиг” ХХК-ийн ган төмөрлөгийн үйлдвэрийг зогсоолоо

Багануур дүүргийн ЗДТГ-ын даргын баталсан удирдамжийн дагуу  ЗДТГ, Онцгой байдлын хэлтэс, Цагдаагийн хэлтэс, Мэргэжлийн хяналтын хэлтэс, ХХҮХ, ЗАА хамтран Дөл түшиг ХХК-ий үйл ажиллагаанд шалгалтыг хийлээ. Монгол-Хятадын хамтарсан “Дөл түшиг” ХХК-ий ган төмөрлөгийн үйлдвэр нь 2006 онд газраа авч 2007 оны тавдугаар сард үйлдвэрийнхээ суурийг тавьж үйл ажиллагаагаа эхлүүлсэн.

ЗДТГ-ын даргын баталсан удирдамжийн дагуу ажлыг хэсэг  байгаль орчинд их хэмжээгээр утаа гаргасан болон үйл ажиллагаанд нь хамтарсан хяналтыг хийж холбогдох хуулийн дагуу дараахь арга хэмжээг авч ажиллалаа. Энэ жилийн хувьд Засгийн газрын /2019.05.01-ний дугаар 173/ тогтоол, Гадаадаас ажиллах хүч, мэргэжилтэнг 85 хүнээр тогтоолгож БНХАУ-ын иргэдийг тоолоход 60 иргэн тоологдож, 52 иргэний бичиг баримт бүрэн байсан ба найман иргэн ямар нэгэн бичиг баримтгүй байсныг буцаасан байна. .

Төмөр хайлах хэсгийн нуман зуухны уутан фильтр сорохгүй үйл ажиллагаа доголдсоны улмаас агаарт их хэмжээний төмрийн тоосонцор дэгдэж хүрээлэн буй орчны агаар, хөрс бохирдуулсан зөрчлийг арилгуулахаар тус үйлдвэрийн нуман зуухны үйл ажиллагааг улсын байцаагчийн актаар зогсоож мөн нуман зуухны цахилгаан тэжээл, зуухны тагыг улсын байцаагчийн цаасан болон төмрөн лацаар лацдав. Илэрсэн зөрчлийг арилгуулахаар 10 заалт бүхий улсын байцаагчийн албан шаардлагыг гарган өгсөн байна. Мөн 3 сая төгрөгийн торгуулийн арга хэмжээ авчээ.