“Талын салхи-2019” мото наадамд Ерөнхий сайд оролцоно

Олон улсын “Талын салхи-2019” мото наадам зургаадугаар сарын 8, 9-ний өдөр Сүхбаатарын талбайд болно. Мото наадамд чоппер моторын дуунд нэгдсэн 800 төмөр хүлэгтэн оролцох бөгөөд тус наадамд Монгол Улсын Ерөнхий сайд У.Хүрэлсүх оролцох ажээ. Тэрбээр “Талын салхи-2019” мото наадмын арга хэмжээний нээлтийн үг хэлж, түүний дараа парадад нэгдэн “Чингис хааны морьт хөшөө цогцолбор” тийш хөдлөнө.

Тус наадам нь Монгол Улсад аялал жуулчлалыг хөгжүүлэх, олон улсад сурталчлах ач холбогдолтой юм. Мото наадам тав дахь жилдээ зохион байгуулагдана.