АНХААР: Хүүхдээ буруу тээвэрлэсэн жолооч нарт арга хэмжээ авч байна

Тээврийн цагдаагийн албанаас зохион байгуулагдаж байгаа "Бяцхан зорчигч" аяны хүрээнд тус албаны Хан-Уул дүүрэг дэх замын цагдаагийн хэлтсээс нийслэлээс орон нутгийг чиглэх авто замд хяналт шалгалтыг эрчимжүүллээ. 

Хяналт шалгалтаар тээврийн хэрэгсэлд хүүхдийг буруу тээвэрлэж байгаа зөрчлийг илрүүлж, илэрсэн зөрчлийг арилгуулах, шаардлагатай тохиолдолд тээврийн хэрэгслийн хөдөлгөөнийг үргэлжлүүлэхгүй байх арга хэмжээ авч, зөрчил гаргасан жолооч нарт Замын хөдөлгөөний аюулгүй байдлын хууль, тогтоомжийн тайлбар сургалтыг зохион байгуулан ажилсан байна.

Нийт хүүхдийг буруу тээвэрлэж явсан 67 жолоочийн тээврийн хэрэгслийг зогсоож шалган ЗТХ-ийн 14.7.20, 14.7.45-д заасны дагуу арга хэмжээг тооцон ажиллаж, дүүргийн хэмжээнд 0-10 насны хүүхдийг буруу тээвэрлэж явсан 96 жолоочид сургалт орж сэрэмжлүүлэг, брошур тарааж ажиллаа.