НААДАМ: 104 шинэ залуу харваач цэц мэргэнээ сорьж байна

Ө.Уранзаяа | Zindaa.mn
2019 оны 07 сарын 11

Тулгар төр байгуулагдсаны 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадамд 360 эрэгтэй харваач, 180 эмэгтэй харваач цэц мэргэнээ сорьж байна.

Монголын үндэсний сурын холбооны Ерөнхий нарийн бичгийн дарга Б.Наранбаяр “Нар, хур тэгширсэн сайхан наадам болж байна. 780 харваач наадамд оролцох хүсэлт тавьснаас Улсын аварга шалгаруулах тэмцээний онооны эрэмбээр 540 харваачийг сонгож оролцууллаа. Харваачид сэтгэлзүйн хувьд тогтвортой байна. Учир нь өнгөрсөн жилүүдэд дандаа хур бороотой байсан. Энэ жил нар, хур тэгширсэн сайхан өдөр болж байгаа учраас харваачдын оноо өндөр гарч байна. 20 суманд 20 оносон харваач олон байна. Энэ жил 104 шинэ залуу харваач бүртгүүлсэн” гэлээ.


 

БАЯР НААДМЫН СУРЫН ХАРВААНД:

  • Дархан мэргэн 3
  • Даяар дурсагдах мэргэн 2
  • Даян мэргэн 6
  • Улсын мэргэн 17
  • Хүндэт мэргэн 4
  • Гоц харваач 11
  • Гарамгай харваач 13
  • Спортын мастер, аймгийн мэргэн 186
  • Спортын мастер 100
  • Спортын дэд мастер 71 оролцож байна.

Сурын харвааны дүн маргааш /2019.07.12/ гарна. 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top