ЯГ ТҮҮН ШИГ: Цахиур хагалсан хүчтэн Б.Орхонбаяр

З.Тэмлүүн | Zindaa.mn
2019 оны 07 сарын 15


Өнөө жилийн наадмын чимэг, цахиур хагалсан хүчтэнүүдийн нэгийг Сэлэнгэ аймгийн Цагааннуур сумын харьяат, “Таван хан” дэвжээ, “Хос түрүү” компанийн бөх, "Аварга" БТДС-ийн оюутан Баярсайханы Орхонбаяр гэдэгтэй наадамчин олон санал зөрөхгүй биз ээ.

Улсын наадамд анх удаа зодоглоод, 21 насандаа улсын начин цол хүртсэн Б.Орхонбаяр өнгөрсөн жил Сэлэнгэ аймгийнхаа баяр наадамд түрүүлж, аймгийн арслан болж байв. Улмаар энэ жилийн баяр наадмаас хэдхэн хоногийн өмнө дахин Сэлэнгэ нутгийнхаа наадамд түрүүлж, аймгийн хурц арслан цол хүртсэн.

Бөх сонирхогчдын анхаарлын төвд орж ирсэн залуу начинг наадамчид хэдийнэ цаашид цолоо ахиулж барилдах начин хэмээн урамшуулж, “Бие хаа, барилдааны гавшгай байдал зэргээрээ улсын арслан Ц.Содномдоржтой адил юм. Дараагийн Ц.Содномдорж. Хоёулаа хурц арслангаас цол нэмж эхэллээ...  Арван жилийн өмнөх Со л нүдэнд харагдаад байна” гэхчлэн бичиж, арслан, начин хоёрын адил дээл, малгайтай зургийг ч эвлүүлж тавьжээ.

Улсын арслан Ц.Содномдорж 12 жилийн өмнө Хөвсгөл аймгийн наадамд түрүүлж, аймгийн арслан,  2007 онд аймагтаа дахин түрүүлж, хурц чимэг нэмэн, улмаар одоогоос 10 жилийн өмнө буюу 2009 оны Улсын баяр наадамд тав давж, Улсын начин цол хүртэж байжээ.

Шинэхэн начин Б.Орхонбаяр “Боохой” хэмээх улсын арслан Д.Данзангийн өлгий нутаг болох Цагааннуур суманд 1998 оны долдугаар сарын 1-нд төрсөн. 95 кг жинтэй, 180 см өндөр.

 Бэлтгэл сургуулилтаа 2015 оноос хойш өнөөг хүртэл улсын харцага Т.Өсөх-Ирээдүйгийн удирдлагад хийж байна.  

Сэтгэгдэл ( 11 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Пүүжээ(103.229.122.96) 2019 оны 07 сарын 19

Амжилт хүсье монгол бөхий ёс жудагийг хайроаж хамгаалж яваарай 90 онрос өмнөх бөхчүүд жудагтай байсан гэж боддог

ЗОЧИН(202.179.31.110) 2019 оны 07 сарын 18

арслан СО ийн хүү юм биш үү

зочин(66.181.169.108) 2019 оны 08 сарын 11

Сэлэнгэ аймгийн бөхчүүдийн 50-аас илүү хувь нь Увсынх гэдгийг хүн бүр л мэдийшдээ. Тухайлбал Улсын заан Жаргалбаяр, улсын харцага Одгэрэл, улсын начин өндөр Баянмөнх, улсын харцага Өсөх-Ирээдүй гэх мэт

0  |  3
ду(103.9.88.203) 2019 оны 07 сарын 18

өсөх ирээдүй дундговийнх

2  |  0
oogii(66.181.181.81) 2019 оны 07 сарын 16

yu soliortsgood bgn selenge aimag tsagaannuur sumiin unagan huuhed

Аа(59.153.114.180) 2019 оны 08 сарын 11

Сэлэнгэ ээрээ л дуудуулж яваарай.Увсынх гээд хуцаад эхлүүл ард түмэн нулимна шүү

Selep(66.181.161.35) 2019 оны 08 сарын 11

Aav, eej ni Uvsiinkh sh dee.

333(66.181.161.35) 2019 оны 07 сарын 15

Uvsiin khuukhed gesen .

Dhhhvo(49.0.147.33) 2019 оны 08 сарын 11

Орхонбаяр хөвсгөлд төрсөн байхаа сайн судалж байж бичиж баймаар юм

2  |  0
Сэлэнгийн Цагааннуур(66.181.161.108) 2019 оны 07 сарын 17

СЭЛЭНГИЙН цагааннуурт төрсөн

0  |  0
Дөрвөд биш(64.119.16.229) 2019 оны 08 сарын 11

Дөрвөд хүн биш дөрвөн шийр мах биш гэж үнэн юм даа тэд бүх зүйлийг өөрийн болгох хүсэлтэй

0  |  0
Top