СЭРЭМЖЛҮҮЛЭГ: Голд машинаа угааж байсан иргэн живж, амь насаа алджээ

Өчигдөр буюу долоодугаар сарын 24-ний өдөр Хөвсгөл аймгийн Онцгой байдлын газарт автомашинаа угааж байсан иргэн живсэн тухай дуудлага ирүүлжээ.

Дуудлагын дагуу онцгой байдлын аврагчид 3-4 метрийн гүнд таван удаа шумбалт хийж, осолдсон газраас зүүн зүгт гурван км зайд буюу Урандөш багийн Улаан байшин гэх газраас өнөөдөр /2019.07.25/ 08:22 цагт цогцсыг олж, цагдаагийн байгууллагад хүлээлгэн өгчээ.

Хэргийг Хөвсгөл аймгийн цагдаагийн газарт үргэлжлүүлэн шалгаж байна.