Дорнодоос бусад аймгууд наадмаа НЭЭЛТТЭЙ зохион байгуулжээ
Өнгөрсөн амралтын өдрүүдэд болсон аймгуудын ой болон бүсийн хурдан морьдын уралдаанд зориулсан баяр наадамд түрүүлж, үзүүрлэсэн бөхчүүдийн талаарх мэдээлэлтэй танилцана уу. Хөвсгөл аймагт “Хотгойдын хурд-2019”, Өмнөговь аймагт “Говь шанхын хурд-2019”, Говьсүмбэрт “Боржигон хурд-2019”, Баян-Өлгий аймагт “Алтай таванбогд”, Дорнод аймагт “Зүүн бүсийн хурдан морьдын уралдаан-2019, Баянхонгор аймагт “Ламын гэгээн-2019” хурдан морины бүсийн уралдаан, хүчит бөхийн барилдааны болсныг тодотгоё.
АМРАЛТЫН ӨДӨР БОЛСОН БҮСИЙН НААДАМД ТҮРҮҮЛЖ, ҮЗҮҮЛЭСЭН БӨХЧҮҮД
ӨМНӨГОВЬ
Өмнөговь аймагт болсон “Говь шанхын хурд” говийн бүсийн хурдан морьдын уралдааны үеэр болсон наадамд хүчит 128 бөх зодоглосноос Өмнөговь аймгийн Ханхонгор сумын харьяат, улсын начин Ц.Одбаяр түрүүлж, Архангай аймгийн Хашаат сумын харьяат, улсын аварга Ч.Санжаадамба үзүүрлэв.
ХӨВСГӨЛ
“Хотгойдын хурд” наадамд Хөвсгөл аймгийн Тосонцэнгэл сумын харьяат, улсын арслан Ц.Содномдорж түрүүлж, Төв аймгийн Баянхангай сумын харьяат, улсын заан Б.Батмөнх үзүүрлэжээ.
ДОРНОГОВЬ
Ардын хувсгалын 98, Дорноговь аймаг байгуулагдсаны 88, Сайншанд сум байгуулагдсаны 58 жилийн баяр наадамд хүчит 256 бөх зодоглосноос
Дорноговь аймгийн Сайншанд сумын Зүүнбаян багийн харьяат аймгийн арслан Б.Суманчулуун түрүүлж, аймгийн хурц арслан чимэг, Дорноговь аймгийн Хөвсгөл сумын харьяат аймгийн начин Б.Бат-Эрдэнэ үзүүрлэж, аймгийн заан цолтон боллоо. Их шөвөгт Дорноговь аймгийн Айраг сумын харьяат сумын заан Б.Бадрал, Увс аймгийн Түргэн сумын харьяат сумын заан Д.Нямсамбуу нар шалгарч, аймгийн харцага цол тус тус хүртжээ.
БАЯНХОНГОР
Эрдэнэ бандида хутагт, Хамба Номунхан, Ламын гэгээн Лувсанданзанжанцанымэлмий гийсний 380 жилийн тэгш дүүрэн ой, даншиг наадамд 256 бөх барилдсанаас Баянхонгор аймгийн Баянбулаг сумын харьяат, "Баянхонгор Хөгжил” сан, "Мөнхийн үсэг" групп, "Хүч" спорт хороо, "Их Богд" дэвжээний бөх_ улсын харцага Н.Золбоо найм даван түрүүлж, Баянхонгор аймгийн Богд сумын харьяат, "Хилчин" спорт хороо, Хилийн цэргийн 0208 тусгай анги, "Хонгор нутаг" дэвжээний бөх, аймгийн арслан Б.Бат-Орших үзүүрлэжээ. Ламын гэгээний тэгш ойд улсын арслан Д.Ганхуяг, улсын гарьд Ж.Бат-Эрдэнэ, Ш.Жаргалсайхан, улсын заан Б.Соронзонболд нарын бөхчүүд зодогложээ.
БАЯН-ӨЛГИЙ
Ардын хувьсгалын 98 жил, Баян-Өлгий аймаг байгуулагдсаны 79 жилийн ойн баяр наадам, "Алтай Таванбогд" хурдан морины баруун бүсийн зуны уралдаан долдугаар сарын 27-ноос 28-нд болов. Баяр наадмын хүчит бөхийн барилдаанд улс, аймгийн алдар цолтой 128 бөх хүч үзэн зодоглосноос Ховд аймгийн Буянт сумын харьяат, улсын харцага О.Хангай түрүүлж, Баян-Өлгий аймгийн Дэлүүн сумын харьяат, аймгийн арслан Н.Мустафа үзүүрлэв. Харин Увс аймгийн Ховд сумын уугуул, улсын аварга Н.Батсуурь, улсын арслан П.Бүрэнтөгс нар шөвөгт шалгарчээ.
ДОРНОД
Ардын хувьсгалын 98 жилийн ой, Дорнод аймаг байгуулагдсаны 88 жилийн ой, "Зүүн бүсийн хурд-2019" баяр наадамд Хэнтийн аймгийн Өмнөдэлгэр сумын харьяат, улсын аварга Э.Оюунболд, Сүхбаатар аймгийн Онгон сумын харьяат, улсын харцага Ш.Мөнгөнбаатарнарын зүүн аймгийн бөхчүүд зодоглохоор очсон боловч Дорнод аймгийн баяр наадмын Бөхийн салбар хороо бусад аймгийн бөхчүүдийг барилдуулахгүй гэсэн шийдвэр гаргасан тул зөвхөн Дорнод аймгийн бөхчүүд энэ наадамд барилдав. Хүчит бөхийн барилдаанд Дорнод аймгийн харьяат, аймгийн харцага Г.Эрхэмбаяр түрүүлж, аймгийн харцага Э.Батжаргал үзүүрлэжээ.
Холбоотой мэдээ
Сэтгэгдэл ( 14 )
Ганц Анараа улсын наадмын дэвжээнд ганцаардуулах юмаа хийж дээ Дээр үед урт гарт Лхагва арслан би зүүн тийшээ харж барилдана гээд улсад үзүүрлээд шоронд орсон гэдэг юм Дандаа Дорнодын бөхчүүдийг амлаж хаясан байдаг юм даа Нэгд бөхчүүдийн эрхэнд бүдүүлгээр халдажээ. Хоёрт Анар мөн л бууж өгсөн шүү дээ
Дорнод аймаг зөв шийджээ. Улсын цолтой.уувайгүй шуналтай бөхчүүд.аймгийн наадмыг бузарлаж.мөнгөний наадам болгодог нь ил болсон. Улсын цолтой нь улсдаа.аймгийн цолиой нь аймагтаа барилддөг журамтай болморр бнаа.
Аймгуудын наадам. Үймүүлж явдаг нөхдүүдийг битгий барилдуул,5ийн даваанд нэгэн зэрэг өнхөрөөд,сүүлээ хавчсан чоно шиг зугтаачихдаг амьтад
Дорнод аймгийн удирдлага жалга зан гаргасан даа. Ичмээр юм
Бөх муутай аймаг шүү дээ. Одоо л сайжрах гэж байхад хэдэн улсын цолтонгууд нь очиж дараад яахав дээ. Тэгээд ч наадуул чинь энд тэнд очиж хор найруулах зорилготой л байдаг юм.
наадам нутаг орныхноо баясгаг,энд тэнд очиж хор найруулж наадам үймүүлэхээ л больчих,сая тэр у.а Ганхуяг мэтийн гарууд зүгээр сайхан барилдах залууст гай тарьчихаад чухал даваанд тэгээд хэвтэх юм бол ямар хэрэг байсан юм бол,Дорнодынхны зөв
Говьсүмбэр Боржигон 2019 Төвийн бүс наадам болсон шүү дээ.