Боксчдын өдөр: Олимпийн аваргатай болсон мөчийг эргэн саная

З.Тэмлүүн | Zindaa.mn
2019 оны 08 сарын 24


Монгол Улсын Хөдөлмөрийн баатар, Гавьяат тамирчин Энхбатын Бадар-Ууган “Бээжин-2008” зуны олимпийн наадмаас боксын төрөлд алтан медаль хүртсэний 11 жилийн ойн өдөр өнөөдөр тохиож байна. 

Одоогоос 11 жилийн өмнө буюу 2008 оны наймдугаар сарын 24-ний энэ өдөр Монголын боксчдын алтан үеийг бүтээсэн Э.Бадар-Ууган Бээжинд болсон зуны олимпийн наадмын боксын рингэнд өрсөлдөгч бүрээ илт давуу байдлаар буулган авч, Олимпийн аварга болж байсан түүхтэй.

Эх орноо олимпийн аваргатай болгосон Н.Түвшинбаяр, Э.Бадар-Ууган хоёроороо монголчууд гоёх дуртай. Спортын гайхамшиг, спортын хүнд бэрхийг туулан давж, элэг нэгт ахан дүүсээ бүгдийг нь “дагуулан”, олимпийн оргил цэнгэлд аваачсан Э.Бадар-Ууган аваргад алтан медалийн баярын мэнд хүргэе. 

Монгол Улс спортын түүхэндээ өнөөдрийг хүртэлх хугацаанд олимпийн наадмаас 2 алт, 10 мөнгө, 14 хүрэл, нийт 26 медаль хүртжээ. 2008 оны онцгой амжилт одоог хүртэл давтагдаагүй, олимпийн алтан медальтан ахин төрөөгүй байгаа ч Токио-2020 олимпийн наадамд аваргуудын халааг залгаж, алтан медальтан тодрох найдлага мэдээж бий.

"Бээжин-2008" олимпийн наадмын алт, "Чикаго-2007" сонирхогчдын боксын дэлхийн аваргын мөнгөн медальт, 2008 оны ДЭЛХИЙН ШИЛДЭГ БОКСЧИН, Монгол Улсын Хөдөлмөрийн баатар, Гавьяат тамирчин Энхбатын Бадар-Ууганы олимпийн аварга болсон бахархалт мөчийг эргэн санацгаая.

БИЧЛЭГ ҮЗЭХ
 

 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
рр(64.119.23.88) 2019 оны 08 сарын 25

Ахиж ийм боксчин Монголд гарах уу?

0  |  0
Zochin(37.164.67.246) 2019 оны 08 сарын 25

Badruugan bol bas mongoliin olimpiin anhnii avraga dandaa tuvchinbayriig anhnii avfaga gej yridag nuguuduh ni ch gesen durtai adilhan anhii avarguud baij

0  |  0
зочин(202.9.42.192) 2019 оны 08 сарын 24

3 алт шүү. Баатаржавыг орхисон байна. маш муухай шүү хүмүүсийг ялгаварлах. тэртусмаа хөгжлийн бэрхшээлтэй гэдгээр нь.

1  |  0
зочин(64.119.24.217) 2019 оны 08 сарын 24

Баатаржав гуайн амжилт олимп биш паралимп гэдгээрээ явнаа хө. ОЛимп бол 2 шү дээ

0  |  0
Top