Өөскө жюү жицү бөхийн ААШТ-ээс хүрэл медаль хүртлээ

Жюү жицү бөхийн төрлийг сонгож, спортоор хичээллэхэд оройтдоггүйг нотлон харуулсан "ТВ коктейль" хамтлагийн жүжигчин, "Гаруда академи"-ийн тамирчин А.Өнөржаргал Япон улсын Токио хотноо өнөөдөр /2019.09.13/ эхэлсэн IBJJF холбооны Азийн аварга шалгаруулах нээлттэй тэмцээний Мастерс 2 ангиллын хөх бүсний -76 кг-ын жинд барилдаж, хүрэл медаль хүртжээ. Түүний уран бүтээлийн нэр нь Өөскө гэдгийг уншигчид маань сайн мэднэ. 

Мөн тэмцээний Мастерс 1 ангиллын хөх бүсний +100 кг болон үнэмлэхүй жинд барилдсан, Хөвсгөл аймгийн харьяат, улсын начин А.Батмөнх хошой алт,  Мастерс 3 ангиллын хөх бүсний -74 кг-ын жинд болон үнэмлэхүй жинд барилдсан О.Алтантүлхүүр хошой алт, Мастерс 3 ангиллын хөх бүсний -94 кг-ын жинд барилдсан "Гаруда" академийн тамирчин, МЖЖХ-ны алтан гишүүн Б.Эрдэнэбаатар алтан медаль хүртсэн сайхан мэдээг дуулгаад байна.