Шилдгийн шилдэг уран бүтээлчидтэй "Намрын Хит - 2019" тоглолт

Хавар намрын улиралд уламжлал болгон зохион байгуулдаг "Хаврын Хит", "Намрын Хит" тоглолтыг үзэгчид хүсэн хүлээдэг болсоор чамгүй хугацааг үджээ.

"Өлзий" телевизийг шимтэн үздэг үзэгчдийнхээ санал хүсэлтэд тулгуурлан, нийтийн дуучдын шилдгийн шилдэг бүтээлүүдийг нэгэн тайзнаа эгшиглүүлдэг нь энэхүү тоглолтын онцлог давуу тал болсоор чамгүй хугацааг үджээ.

Тэгвэл энэ удаагийн "Намрын Хит - 2019" тоглолтод Хөдөлмөрийн баатар, АЖ Б.Зангад, Төрийн соёрхолт Д.Сосорбарам, МУГЖ Дуучин С.Батсүх, МУГЖ Дуучин Н.Чулуунхүү,  МУГЖ Дуучин Г.Батбаяр, МУГЖ Дуучин С.Ганзориг,  МУГЖ Дуучин Ч. Амаржаргал, МУГЖ  Дуучин Ц.Үенч, МУГЖ  Дуучин С.Одмаа, МУГЖ дуучин Ж.Уранчимэг хос дуучид Д.Хишигбаяр Р. Дэлгэрмаа, Б.Оюунбат, Р.Бадралмаа, Д.Амарсайхан, Ж.Солонго, Б.Батболд,  Ая зохиогч Б. Пүрэвсүрэн, Д.Намсрайноров, Л.Нарантуяа, Э.Чулуунчимэг, Д.Отгонжаргал, А.Хосбаяр, Г.Эрдэнэтунгалаг, Д.Бурмаа, Т.Дэлгэрмөрөн, П. Жимсээ, Н.Мөнгөншагай, Я.Гэрэлчулуун, А.Түмэн-Өлзий, Л.Сөрөлт, Д.Найдандорж, Б.Бат-Өлзий, Цэрэн-Очир, Уранзаяа, "Алтай" хамтлаг, "Шанз - 3" чуулгын бүжгийн хамтлаг оролцох юм байна.

Хит уран бүтээл гэдэг хамгийн шилдэг уран бүтээл байдаг. Тэр ч утгаараа  "Намрын Хит - 2019" тоглолтод зөвхөн шилдгийн шилдэг уран бүтээлүүд эгшиглэж, үзэгч таны мэлмий сонорыг баясгах аж.

 Энэ намар цагийн хамгийн анхны сюрприз дүүрэн "Намрын Хит - 2019" тоглолт 2019 оны 9 дүгээр сарын 21-ний өдрийн 19.00 цагт UB паласын концертын их танхимд болно.