Үндсэн хуулийн цэцийн дунд суудлын хуралдаан эхэллээ

Үндсэн хуулийн цэцийн дунд суудлын хуралдаан эхэллээ. Захиргааны ерөнхий хууль болон Засаг захиргаа, нутаг дэвсгэрийн нэгж, түүний удирдлагын тухай хуулиар захиргааны байгууллага хуулиар тусгайлан эрх олгогдсон тохиолдолд л захиргааны хэм хэмжээний акт гаргахаар байгаа ажээ. Энэ нь хууль, төрийн зохих дээд байгууллагын шийдвэрт тухайлан заагаагүй бол нутгийн өөрөө удирдах байгууллага нутаг дэвсгэрийнхээ тодорхой асуудлыг бие даан шийдвэрлэж болох тухай Үндсэн хуулийн заалтыг зөрчиж байна гэж нэр бүхий иргэн үзэж Цэцэд хандсан юм. Энэ маргааныг өнөөдрийн /2019.09.20/ Цэцийн хуралдаанаар хянан хэлэлцэж байна.