ДАРХАН-УУЛ: Орон сууцны хороололд 20 мянган гэрэл суурилуулжээ

2019 оны 09 сарын 20

Дархан-Уул аймгийн Засаг даргын үйл ажиллагааны хөтөлбөрт тусгагдсан “Миний гэр-Манай байр” дэд хөтөлбөрийн хүрээнд төвийн орон сууцны хорооллын 103 байранд 20 гаруй мянган туузан гэрлийг суурилуулжээ. Ингэснээр шөнийн өнгө үзэмжийг нэмэгдүүлэх, орчны гэрэлтүүлэгт нөлөөлж гэмт хэргийн гаралтыг бууруулахад чиглэгдсэн аж. 2018 онд хуучин Дархан наймдугаар Алтны уулзвараас шинэ Дархан 12 дугаар баг 16 давхар хүртэлх төв зам дагуух нийт 23 орон сууцны фасадны 6000 орчим туузан гэрэлтүүлгийг угсарч тус байруудын цахилгаан хангамжийн ажлыг хийж бүрэн дууссан юм.

Харин энэ онд шинэ Дарханы 54 байр, хуучин Дарханы 26 байранд фасадны гэрэлтүүлэг хийжээ. Энэ хүрээнд нийт 13000 метр гэрэлтүүлгийг улсын төсвийн 400 орчим сая төгрөгөөр суурилуулсан талаар “Лед Сити” ХХК-аас мэдээлэв. Фасадны гэрлийн ажиллах хугацаа 50000 цаг, ус борооны IP 66 хамгаалалттай зэрэг олон улсын жишиг, стандартад нийцсэн ажээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Saihan(112.96.71.128) 2022 оны 04 сарын 19

Goyo doo! Ochij uznee udahgui.

2  |  0
Top