ДЭЭД ШҮҮХ: "Жаст"-ын Ш.Батхүүг даваа гарагт шүүнэ

АТГ-аас "Эрдэнэт" үйлдвэрийн 51 хувийг гаднын банкны барьцаанд тавьж, их хэмжээний зээл авсан хэрэгт "Жаст"-ын Ш.Батхүү нарыг яллагдагчаар татан шалгаж байгаа билээ. Мөрдөн байцаалтын явцад "Жаст"-ын Ш.Батхүүгийн хэргийг тусгаарлаж шүүхэд шилжүүлсэн байдаг.

Тэгвэл Улсын Дээд шүүхэд ирэх даваа гарагт "Жаст"-ын Ш.Батхүүд холбогдох хэргийн шүүх хурал товлогджээ. Энэ талаар албаны эх сурвалж "Ш.Батхүүд холбогдох хэргийг даваа гарагт шүүх  тов гарсан. Одоогоор хэдэн цагаас гэдэг нь тодорхойгүй байна" гэх мэдээллийг өглөө.