Эмэгтэйчүүдийн боксын ДАШТ-д манай гурван боксчин үлдлээ

ОХУ-ын Улаан-Үд хотноо үргэлжилж буй эмэгтэйчүүдийн сонирхогчдын боксын 11 дэх удаагийн ДАШТ -ий гуравдахь өдөр буюу аравдугаар сарын таванд манай нэг боксчин тулаан хийлээ.

75 кг-ийн жинд Мөнхбатын Мягмаржаргал Энэтхэгийн Савиитайд 0:5 ( 27:30,27:30,27:30, 28:29,28:29) оноогоор хожигдлоо.
Эхний гурван өдөр манай таван " ширэн бээлийтэн" рингэнд гарснаас 51 кг-ийн жинд Л.Алтанцэцэг л ялалт байгуулаад байна.

"УЛААН -ҮД 2019" Дэлхийн АШТ-д манай долоон эмэгтэй боксчин оролцож байгаа бөгөөд одоо гурван боксчин үлдлээ.
Манай хоёр боксчин тулаанаа хийгээгүй байгаа бөгөөд 48 кг-ийн Балсангийн Мөнгөнсаран Мароккогийн Рабаб Чеддартай аравдугаар сарын долоонд,
60 кг-ийн жинд Монхорын Намуун Туркийн С.Калискантай аравдугаар сарын зургаанд рингэнд гарах юм.
Харин 51 кг-ийн жинд өрсөлдөж буй Лутсайханы Алтанцэцэг аравдугаар сарын найманд Вьетнамын Нгуен Ти Тамтай хоёр дахь тулаанаа хийнэ.

М.Мягмаржаргалын тулааны бичлэгийг үзээрэй!

Ц.Энхтүвшин . “Таван цагариг”